4 мая, Мінск /Кар. БЕЛТА/. Чэмпіянат свету па водных відах спорту перанесены на 2022 год. Такое рашэнне прынята FINA пасля кансультацый з федэрацыяй плавання Японіі, арганізатарамі, спартсменамі, трэнерамі, тэхнічнымі камітэтамі, паведамляе карэспандэнт БЕЛТА.
Спачатку сусветны форум быў запланаваны на лета 2021 года. Новымі датамі выбраны 13-29 мая 2022 года.
Адзначаецца, што прынятае рашэнне забяспечыць найлепшыя магчымыя ўмовы для ўсіх удзельнікаў чэмпіянату. FINA спадзяецца, што аб'яўленне гэтых дат дасць некаторую яснасць у планаванні для ўсіх зацікаўленых бакоў.
Акрамя таго, з 31 мая па 9 чэрвеня 2022 года на востраве Кюсю (Японія) будзе праходзіць чэмпіянат свету па водных відах спорту сярод ветэранаў.-0-