2 красавіка, Мінск /Кар. БЕЛТА/. Чэмпіянат свету па боксе ў 2021 годзе ўпершыню прыме Ташкент. Такая інфармацыя змешчана на афіцыйным сайце Міжнароднай асацыяцыі бокса (AIBA), паведамляе БЕЛТА.
Рашэнне правесці планетарны форум у сталіцы Узбекістана было агучана прэзідэнтам арганізацыі Умарам Крэмлевым у час візіту ў Ташкент.
"Рады аб'явіць, што Узбекістан, краіна з моцнымі баксёрамі і чэмпіёнскім характарам, стане гаспадыняй чэмпіянату 2023 года. Я ўпэўнены ў арганізацыі высокага ўзроўню, вялікай падтрымцы балельшчыкаў і відовішчных баях", - сказаў Умар Крэмлеў.
Ташкент атрымаў права праводзіць чэмпіянат свету па боксе пасля галасавання Савета дырэктараў АIBA, які пазітыўна ацаніў прадстаўленую Федэрацыяй бокса Узбекістана заяўку на правядзенне топ-турніру, які ўпершыню пройдзе ў Цэнтральнай Азіі.-0-
