ДЗЯРЖОРГАНЫДЗЯРЖОРГАНЫ
Флаг Нядзеля, 3 ліпеня 2022
Мінск Суцэльная воблачнасць +26°C
Усе навіны
Усе навіны
Спорт
13 красавіка 2022, 14:01

Чэмпіянат Беларусі па скачках на акрабатычнай дарожцы стартуе ў Гомелі

13 красавіка, Гомель /Кар. БЕЛТА/. Чэмпіянат Беларусі па скачках на акрабатычнай дарожцы пройдзе 13-15 красавіка ў Гомелі, паведаміла карэспандэнту БЕЛТА галоўны суддзя спаборніцтваў Кацярына Антонава.

Свой тэхнічны ўзровень прадэманструюць больш за 50 спартсменаў з усіх рэгіёнаў краіны. На старт выйдуць дзеці 2009 года нараджэння і старэйшыя.

"Падрастае вельмі моцнае пакаленне спартсменаў. У кожнай вобласці ёсць свае лідары і надзеі. На старце сказаць, паміж кім разгорнецца асноўная барацьба за перамогу, нельга. Кожны пакажа сваю тэхніку, вышыню, прыкладзе максімум намаганняў", - расказала галоўны суддзя.

Чэмпіянат пройдзе на базе Спецыялізаванай дзіцяча-юнацкай школы алімпійскага рэзерву нумар 4 Гомеля. "Гомельскі рэгіён не ўпершыню прымае спаборніцтвы такога ўзроўню. У нас ёсць дастойная пляцоўка, дастойныя спартсмены, якія штогод паказваюць добры вынік", - адзначыла Кацярына Антонава.

Пераможцы будуць вызначаны ў камандным і асабістым заліках. Лепшыя з лепшых будуць узнагароджаны медалямі і дыпломамі.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі