6 ліпеня, Мінск /Кар. БЕЛТА/. У Хабараўску прадаўжаецца адкрыты чэмпіянат Расіі па цяжкай атлетыцы, у якім удзельнічаюць беларускія спартсмены, паведамляе карэспандэнт БЕЛТА.
У другі дзень спаборніцтваў былі разыграны сем камплектаў узнагарод, беларускія атлеты трапілі на подыум па выніках чатырох фіналаў. Сярэбраны прызёр Алімпіяды ў Рыа Дар'я Навумава атрымала ўпэўненую перамогу ў вагавой катэгорыі да 76 кг, паказаўшы рэзультат 228 кг па суме двух практыкаванняў. Таксама на рахунку нашай каманды тры трэція месцы: бронзавыя медалі турніру заваявалі Дзіна Сазанавец (да 71 кг), Дзіяна Мінкова (да 81 кг), а таксама Ілья Жарноўскі (да 73 кг).
Напярэдадні пераможцай чэмпіянату Расіі па цяжкай атлетыцы стала беларуска Юлія Гуліна (да 55 кг), Дзіяне Майсяевіч дасталася бронзавая ўзнагарода (да 64 кг). Усяго на спаборніцтвах у Хабараўску выступаюць 20 беларускіх штангістаў, турнір прадоўжыцца па 8 ліпеня.-0-
