17 жніўня, Мінск /Кар. БЕЛТА/. Беларускія шашысткі ў фінале анлайн-турніру Кубка нацый уступілі Манголіі. Спаборніцтвы праходзяць па 100-клетачных шашках пад эгідай Сусветнай федэрацыі шашак (FMJD), паведамляе карэспандэнт БЕЛТА.
Першую сустрэчу беларускія спартсменкі прайгралі камандзе Манголіі з лікам 3:5. Гульня ў адказ завяршылася ўнічыю - 4:4. Па выніках анлайн-турніру беларускія шашысткі занялі 2-е месца.
У жаночых спаборніцтвах прынялі ўдзел 11 каманд. Яны гулялі па кругавой сістэме, шэсць лепшых выйшлі ў плэй-оф. У першым туры беларуская зборная перамагла каманду Нідэрландаў, другі раўнд прапусціла з-за няцотнай колькасці ўдзельнікаў, у трэцім згуляла ўнічыю са спартсменкамі Украіны. У чацвёртым туры беларускі перамаглі Латвію, у пятым уступілі прадстаўніцам Расіі, у шостым атрымалі вікторыю над Ізраілем, але потым прайгралі спартсменкам Манголіі. У восьмым раўндзе беларускія шашысткі выйгралі ў каманды Кітая, а ў дзявятым - у Сурынама. Паспяхова склаліся 10-ы і 11-ы раўнды для беларусак: яны перамаглі Эстонію і Бразілію. У першым матчы 1/4 фіналу беларуская каманда звяла сустрэчу з латвійскімі саперніцамі да нічыёй - 4:4. У гульні ў адказ каманда перамагла сваіх апанентак з лікам 5:3. Па выніках паўфінальных матчаў беларускі перамаглі Украіну (6:2 і 3:5).
Беларуская мужчынская каманда ў 1/8 фіналу па выніках двух матчаў уступіла прадстаўнікам Гвінеі-Бісау і выбыла з турніру. Па выніках папярэдняга этапу беларусы займалі 4-е месца, набраўшы 10 балаў. У мужчынскім турніры 29 зборных па швейцарскай сістэме ў сямі турах вызначалі 14 удзельнікаў плэй-оф. Усяго беларускія спартсмены выйгралі пяць тураў і ўступілі ў двух.
Нядаўна праводзіліся матчавыя паядынкі, якія сталі этапам падрыхтоўкі да Кубка нацый. Беларускія шашысты ўступілі камандзе Нідэрландаў з агульным лікам 21:27 і атрымалі перамогу над зборнай Украіны - 25:23.-0-
