11 кастрычніка, Мінск /Кар. БЕЛТА/. Беларускія гандбалісткі згулялі ўнічыю з саперніцамі з Германіі ў матчы кваліфікацыі ЧЕ-2022. Гульня ў Трыры завяршылася з лікам 24:24, паведамляе карэспандэнт БЕЛТА.
Першая палавіна матчу праходзіла з невялікай перавагай беларусак, якія дастойна выглядалі на фоне адной з мацнейшых нацыянальных дружын кантынента. Пасля першай палавіны сустрэчы беларускі вялі з лікам 13:12.
Немкам удалося зраўнаваць лік, але ў далейшым абедзве каманды гулялі як роўныя і ні адна з іх не змагла канчаткова перахапіць ініцыятыву.
Самай рэзультатыўнай у складзе зборнай Беларусі стала Наталля Васілеўская. На яе рахунку пяць узяццяў варот саперніц. Чатырма галамі вызначыліся Дзіяна Ільіна і Карына Ёжыкава. У немак найбольш паспяхова дзейнічала Юлія Майндхоф, якая вызначылася 10 разоў.
Наступны матч адбору на чэмпіянат Еўропы-2022 беларускі правядуць 2 сакавіка 2022 года супраць дружыны Грэцыі.-0-
