11 снежня, Мінск /Кар. БЕЛТА/. Сёння ў швейцарскім Ньёне адбылася жараб'ёўка адборачнага турніру футбольнага чэмпіянату Еўропы 2021 сярод маладзёжных каманд (U-21), паведамляе карэспандэнт БЕЛТА.
Беларуская "маладзёжка" новага склікання, якую нядаўна ўзначаліў Міхаіл Мархель, трапіла ў кваліфікацыйную групу 7 разам з камандамі Нідэрландаў, Партугаліі, Нарвегіі, Кіпра і Гібралтара.
Склады астатніх груп:
1 - Італія, Ісландыя, Ірландыя, Швецыя, Арменія, Люксембург.
2 - Францыя, Славакія, Швейцарыя, Грузія, Азербайджан, Ліхтэнштэйн.
3 - Англія, Аўстрыя, Турцыя, Косава, Албанія, Андора.
4 - Харватыя, Чэхія, Грэцыя, Шатландыя, Літва, Сан-Марына.
5 - Польшча, Латвія, Эстонія, Сербія, Балгарыя, Расія.
6 - Іспанія, Ізраіль, Чарнагорыя, Македонія, Казахстан, Фарэрскія астравы.
8 - Данія, Румынія, Украіна, Фінляндыя, Паўночная Ірландыя, Мальта.
9 - Германія, Бельгія, Уэльс, Боснія і Герцагавіна, Малдова.
Матчы адборачнага турніру стартуюць 18 сакавіка 2019 года, а завершацца 17 лістапада 2020-га. У фінальную стадыю маладзёжнага Еўра-2021 выйдуць пераможцы груп, а яшчэ адну пуцёўку разыграюць у стыкавых матчах дзве лепшыя каманды з заняўшых другія месцы. У чэрвені 2021 года 12 зборных павядуць барацьбу за ўзнагароды кантынентальнага першынства на арэнах Венгрыі і Славеніі, каманды якіх вызвалены ад кваліфікацыйных гульняў.-0-
