17 лістапада, Мінск /Кар. БЕЛТА/. У Баку з 18 па 21 лістапада адбудзецца 35-ы чэмпіянат свету па скачках на батуце і акрабатычнай дарожцы. Нацыянальная каманда Беларусі ўжо адправілася ў сталіцу Азербайджана, паведамілі БЕЛТА ў прэс-службе НАК.
У складзе каманды - алімпійскі чэмпіён Токіа Іван Літвіновіч, Алег Рабцаў, а таксама вопытная Таццяна Пятрэня. Вядомая спартсменка - удзельніца чатырох Алімпійскіх гульняў з 2004 па 2016 год, чэмпіёнка свету - 2017, чэмпіёнка Еўропы - 2012. Пасля нараджэння сына ў 2019 годзе вырашыла аднавіць спартыўную кар'еру. Як яна расказала ў інтэрв'ю Міжнароднай федэрацыі гімнастыкі, яна зноў гатова паспрабаваць сябе на высокім узроўні.
У Баку з-за праблем са здароўем не змог адправіцца чэмпіён Рыа-2016 Уладзіслаў Ганчароў. У выязным складзе шмат маладых спартсменаў, якія пастараюцца на сусветным форуме праявіць свае лепшыя якасці.-0-
