Мабільная версія
ДЗЯРЖОРГАНЫ

Апошнія навіны
Усе навіны

Ашчадбанкіяда праходзіць у Мінску на лепшых пляцоўках - спартыўны функцыянер

Спорт 17.07.2019 | 15:39

17 ліпеня, Мінск /Кар. БЕЛТА/. Спаборніцтвы XIII летняй міжнароднай Ашчадбанкіяды, якая праходзіць 15-21 ліпеня ў Мінску, праводзяцца на лепшых пляцоўках сталіцы. Аб гэтым карэспандэнту БЕЛТА расказаў галоўны сакратар спаборніцтваў па баскетболе Вячаслаў Радной.

"Арганізатары зрабілі ўсё магчымае, каб спаборніцтвы, якія праводзяцца на лепшых спартыўных пляцоўках горада, прайшлі на высокім узроўні. Мінск здольны прыняць любыя спаборніцтвы сусветнага значэння, - сказаў Вячаслаў Радной. - Такія вялікія спартыўныя форумы, як Ашчадбанкіяда дапамагаюць завесці новых сяброў і знаёмых, атрымаць шмат задавальнення ад гульняў і атмасферы".

Трэнер па баскетболе расійскай каманды Віктар Гаўрылаў адзначыў добрую арганізацыю турніру. "Турнір праходзіць кампактна, пляцоўкі ў Палацы спорту адпавядаюць патрабаванням. Атлеты з добрым настроем, нацэленасцю на вынік выходзяць на матчы. У жаданні паказаць свае лепшыя якасці ў спорце аматары не ўступаюць прафесіяналам", - дадаў ён.

Разыгрываючага баскетбольнай дружыны з Масквы Максіма Сударкіна ўразіла падтрымка балельшчыкаў. "Спаборніцтвы такога вялікага маштабу дапамагаюць адпачыць ад работы, у час гульняў забываеш пра штодзённыя клопаты. На мой погляд, Ашчадбанкіяда - цудоўная традыцыя адной з вядучых фінансавых устаноў. Таксама шмат балельшчыкаў на трыбунах, якія прыехалі ў Мінск, каб падтрымаць менавіта сваю каманду", - сказаў ён.

У сталіцы Беларусі спаборніцтвы праходзяць на лепшых спартыўных арэнах: Палацы спорту, на пляцоўцы "Фалькон клуба", лёгкаатлетычным стадыёне Беларускага дзяржаўнага медыцынскага ўніверсітэта. Пражываюць удзельнікі ў Вёсцы атлетаў ІІ Еўрапейскіх гульняў.

У XIII летняй міжнароднай Ашчадбанкіядзе прымаюць удзел больш за 2 тыс. супрацоўнікаў з 83 суб'ектаў Расіі і 22 замежных краін. За перамогу ў агульнакамандным заліку змагаюцца 20 каманд з тэрытарыяльных і даччыных банкаў, цэнтральнага апарату і даччыных кампаній банка. Спартсмены разыгрываюць 40 камплектаў медалёў у 12 відах спорту, сярод якіх міні-футбол, валейбол, пляжны валейбол, баскетбол, кросфіт, тэніс, настольны тэніс, бадмінтон, плаванне, лёгкая атлетыка, шахматы і сквош.-0-

Версія для друку
Навіны рубрыкі Спорт
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Прафілактыка ўкусаў змей У Беларусі жывуць тры віды змей: вуж, мядзянка, гадзюка звычайная (адзіная ядавітая).