14 студзеня, Мінск /Кар. БЕЛТА/. У Беларусі рыхтуюцца змяненні ў дагаворах долевага будаўніцтва. Абмеркаваць парадак заключэння, выканання і скасавання дагавораў стварэння аб'ектаў долевага будаўніцтва можна на Прававым форуме, паведамляе БЕЛТА са спасылкай на Нацыянальны прававы інтэрнэт-партал.
Дакументам прапануецца зацвердзіць палажэнне аб парадку заключэння, выканання і скасавання дагавораў пры долевым будаўніцтве, а таксама ўмовах прыцягнення грошай. Прапісана, як у новай рэдакцыі будзе выглядаць дагавор стварэння аб'екта долевага будаўніцтва.
Праект пастановы распрацаваны для рэалізацыі ўказа ад 10 снежня 2018 года нумар 473. Як паведамлялася, гэтым указам уводзяцца дадатковыя меры абароны правоў дольшчыкаў ад нядобрасумленных забудоўшчыкаў. У прыватнасці, уводзіцца новы парадак залічэння сродкаў дольшчыкаў для будаўніцтва жылля.
Распрацоўшчык праекта - Міністэрства архітэктуры і будаўніцтва. Заўвагі і прапановы можна выказаць у спецыяльнай тэме на Прававым форуме або накіраваць распрацоўшчыку праекта па 22 студзеня на электронны адрас mas@mas.by з паметкай "грамадскае абмеркаванне".-0-