9 красавіка, Мінск /Кар. БЕЛТА/. Абнаўленне Асноўнага закона краіны трэба ажыццяўляць узважана, шляхам глыбокага аналізу і прагназавання далейшых наступстваў. Такім меркаваннем з карэспандэнтам БЕЛТА падзяліўся член Пастаяннай камісіі па адукацыі, культуры і навуцы Палаты прадстаўнікоў Андрэй Злотнікаў па выніках дыялогавай пляцоўкі "Маладзёжная палітыка ў Рэспубліцы Беларусь у кантэксце канстытуцыйнай рэформы", якая прайшла на базе юрыдычнага факультэта БДУ.
"У Беларусі ўжо больш за паўгода ідуць дыялогавыя пляцоўкі, арганізаваныя на базе ВНУ. Праходзяць сустрэчы са студэнцкай моладдзю, прафесарска-выкладчыцкім складам. Такі фармат гарантуе, што голас кожнага маладога чалавека будзе пачуты. На такіх пляцоўках мы актыўна вывучаем меркаванне маладых людзей, абагульняем іх ініцыятывамі і прапановамі, якія датычацца не толькі канстытуцыйнай рэформы", - расказаў дэпутат.
Паводле яго слоў, сёння вельмі актуальны шырокі ўдзел моладзі і яе прадстаўленасць у дзейнасці Канстытуцыйнай камісіі.
"Менавіта ад тых ідэй, якія будуць рэалізаваны ў абноўленым варыянце Канстытуцыі, шмат у чым будзе залежаць будучае жыццё ў краіне і цяперашняй нашай моладзі, паколькі важнейшай задачай сацыяльна-палітычнага развіцця з'яўляецца захаванне пераемнасці пакаленняў. Гэта актуалізуе сістэмную работу і цеснае супрацоўніцтва ў сацыяльна значных праектах, - адзначыў Андрэй Злотнікаў. - Абнаўленне Асноўнага закона краіны трэба ажыццяўляць узважана, шляхам глыбокага аналізу і прагназавання наступстваў гэтага. Абнаўленне Канстытуцыі стане драйверам для пакетнага змянення, па сутнасці, усіх галін заканадаўства. Стаіць задача не машынальнай замены Канстытуцыі, а яе змянення ў адпаведнасці з запатрабаваннямі грамадства, яго магчымасцямі і з улікам нашай культуры, ментальнасці".-0-
