11 ліпеня, Віцебск /Кар. БЕЛТА/. Першы рэгіянальны форум "Мясцовае самакіраванне ў Віцебскай вобласці: Агульная справа. Дыялог пра будучыню" праходзіць у Віцебскім абласным Савеце дэпутатаў. Мерапрыемства сабрала лепшых прадстаўнікоў сістэмы органаў мясцовага самакіравання, уключаючы старшынь базавых і першасных саветаў, старэйшын і актыўную моладзь рэгіёна, перадае карэспандэнт БЕЛТА.
Да пачатку работы форуму ўдзельнікі наведалі выстаўку "Ганаруся сваёй Радзімай", падрыхтаваную гарадамі і раёнамі Віцебскай вобласці.
Адкрываючы форум, старшыня Віцебскага абласнога Савета дэпутатаў Дзмітрый Дзямідаў падкрэсліў ключавую ролю мясцовых Саветаў у вырашэнні штодзённых задач грамадзян і развіцці тэрыторый. "Работа дэпутатаў нацэлена ў першую чаргу на вырашэнне праблемных пытанняў насельніцтва, абарону правоў і інтарэсаў грамадзян", - адзначыў ён.
Паводле слоў Дзмітрыя Дзямідава, эфектыўнасць мясцовай улады непасрэдна ўплывае на ўспрыманне ўсёй вертыкалі кіравання. З 2019 года ў Віцебскай вобласці дзейнічае абласная асацыяцыя мясцовых Саветаў дэпутатаў, у структуры якой з лютага бягучага года створана выканаўчая дырэкцыя. Сярод яе задач - разгляд і суправаджэнне праектаў грамадзянскіх ініцыятыў, кантроль за іх рэалізацыяй і абагульненне лепшых практык, напрацаваных дэпутатамі. "Усё пачынаецца з работы на месцах. Сельскія і пасялковыя Саветы дэпутатаў - першыя, хто прыходзіць на дапамогу насельніцтву ў любой сітуацыі. Менавіта таму Прэзідэнт Беларусі Аляксандр Лукашэнка прыняў мудрае рашэнне захаваць саветы першаснага тэрытарыяльнага ўзроўню", - падкрэсліў Дзмітрый Дзямідаў.
Ён дадаў, што адна з асноўных задач для беларускай дзяржавы - забеспячэнне далейшага павышэння якасці і ўзроўню жыцця. "Акцэнт на гэтым таксама зрабіў Прэзідэнт, выступаючы на свяце працаўнікоў вёскі "Дажынкі-2024". Ён сказаў: "Моцныя рэгіёны - моцная краіна". Для Беларусі гэта ўжо не тактыка, а стратэгія, шлях, па якім мы плануем рухацца далей. Выканаць гэты наказ - першарадная роля мясцовых Саветаў першаснага ўзроўню. "Сёння, знаёмячыся з выстаўкай, мы з вамі пераканаліся ў тым, колькі цікавых праектаў і ініцыятыў ужо рэалізавана на Віцебшчыне. Але гэта не прычына для самазаспакаення. Лейтматыў першага рэгіянальнага форуму мясцовага самакіравання Віцебскай вобласці - абагульненне практык, абмен думкамі, набыццё новых ведаў і кампетэнцый у пытаннях дзейнасці мясцовых Саветаў. І, вядома, экспертная ацэнка праведзенай работы. Усім нам трэба напружана папрацаваць", - падкрэсліў старшыня Віцебскага абласнога Савета дэпутатаў.
Органы мясцовага самакіравання лепш за іншых бачаць бар'еры, якія ўсё яшчэ існуюць паміж Беларуссю і Расіяй, лічыць дзяржаўны сакратар Саюзнай дзяржавы Сяргей Глазьеў. "Для нашага Пастаяннага камітэта гэта першы вопыт сустрэчы з кіраўнікамі органаў мясцовага самакіравання. Вы бліжэй за ўсіх знаходзіцеся да людзей, вы лепш за іншых бачыце бар'еры, якія ўсё яшчэ існуюць паміж Расіяй і Беларуссю", - сказаў Сяргей Глазьеў, звяртаючыся да ўдзельнікаў форуму.
Ён падкрэсліў важнасць не толькі аналізу заканадаўства Беларусі, але і нарматыўнай базы Саюзнай дзяржавы. "Я прасіў бы праводзіць маніторынг не толькі заканадаўства Рэспублікі Беларусь, але і нарматыўнай базы нашай Саюзнай дзяржавы. Паколькі дэкрэты, рашэнні рэальна ўвасабляюцца ў жыццё, для нас гэта зваротная сувязь мела б вельмі вялікае значэнне", - сказаў спікер.
Дзяржаўны сакратар адзначыў, што ўдзел у форуме - гэта прызнанне агульнай адказнасці за развіццё СД. "Я ўспрымаю сваё запрашэнне на форум як прызнанне таго, што будаўніцтва Саюзнай дзяржавы - гэта наша агульная справа, і спадзяюся, што мы разам будзем з вамі працаваць па ўмацаванні, пашырэнні магчымасцей Саюзнай дзяржавы. Мы бачым сваю місію ў тым, каб нашы грамадзяне не адчувалі меж паміж нашымі дзяржавамі, карысталіся роўнымі правамі ва ўсіх сферах", - адзначыў ён.
У час работы форуму таксама адбылася цырымонія падпісання пагадненняў аб супрацоўніцтве паміж Курскай абласной Думай і Віцебскім абласным Саветам дэпутатаў, асацыяцыяй "Савет муніцыпальных утварэнняў Рэспублікі Карэлія" і Віцебскай абласной асацыяцыяй мясцовых Саветаў дэпутатаў, паміж Сартавальскай і Піткяранцкай муніцыпальнымі акругамі Рэспублікі Карэлія і Гарадоцкім раёнам.-0-
Да пачатку работы форуму ўдзельнікі наведалі выстаўку "Ганаруся сваёй Радзімай", падрыхтаваную гарадамі і раёнамі Віцебскай вобласці.
Адкрываючы форум, старшыня Віцебскага абласнога Савета дэпутатаў Дзмітрый Дзямідаў падкрэсліў ключавую ролю мясцовых Саветаў у вырашэнні штодзённых задач грамадзян і развіцці тэрыторый. "Работа дэпутатаў нацэлена ў першую чаргу на вырашэнне праблемных пытанняў насельніцтва, абарону правоў і інтарэсаў грамадзян", - адзначыў ён.
Паводле слоў Дзмітрыя Дзямідава, эфектыўнасць мясцовай улады непасрэдна ўплывае на ўспрыманне ўсёй вертыкалі кіравання. З 2019 года ў Віцебскай вобласці дзейнічае абласная асацыяцыя мясцовых Саветаў дэпутатаў, у структуры якой з лютага бягучага года створана выканаўчая дырэкцыя. Сярод яе задач - разгляд і суправаджэнне праектаў грамадзянскіх ініцыятыў, кантроль за іх рэалізацыяй і абагульненне лепшых практык, напрацаваных дэпутатамі. "Усё пачынаецца з работы на месцах. Сельскія і пасялковыя Саветы дэпутатаў - першыя, хто прыходзіць на дапамогу насельніцтву ў любой сітуацыі. Менавіта таму Прэзідэнт Беларусі Аляксандр Лукашэнка прыняў мудрае рашэнне захаваць саветы першаснага тэрытарыяльнага ўзроўню", - падкрэсліў Дзмітрый Дзямідаў.
Ён дадаў, што адна з асноўных задач для беларускай дзяржавы - забеспячэнне далейшага павышэння якасці і ўзроўню жыцця. "Акцэнт на гэтым таксама зрабіў Прэзідэнт, выступаючы на свяце працаўнікоў вёскі "Дажынкі-2024". Ён сказаў: "Моцныя рэгіёны - моцная краіна". Для Беларусі гэта ўжо не тактыка, а стратэгія, шлях, па якім мы плануем рухацца далей. Выканаць гэты наказ - першарадная роля мясцовых Саветаў першаснага ўзроўню. "Сёння, знаёмячыся з выстаўкай, мы з вамі пераканаліся ў тым, колькі цікавых праектаў і ініцыятыў ужо рэалізавана на Віцебшчыне. Але гэта не прычына для самазаспакаення. Лейтматыў першага рэгіянальнага форуму мясцовага самакіравання Віцебскай вобласці - абагульненне практык, абмен думкамі, набыццё новых ведаў і кампетэнцый у пытаннях дзейнасці мясцовых Саветаў. І, вядома, экспертная ацэнка праведзенай работы. Усім нам трэба напружана папрацаваць", - падкрэсліў старшыня Віцебскага абласнога Савета дэпутатаў.
Органы мясцовага самакіравання лепш за іншых бачаць бар'еры, якія ўсё яшчэ існуюць паміж Беларуссю і Расіяй, лічыць дзяржаўны сакратар Саюзнай дзяржавы Сяргей Глазьеў. "Для нашага Пастаяннага камітэта гэта першы вопыт сустрэчы з кіраўнікамі органаў мясцовага самакіравання. Вы бліжэй за ўсіх знаходзіцеся да людзей, вы лепш за іншых бачыце бар'еры, якія ўсё яшчэ існуюць паміж Расіяй і Беларуссю", - сказаў Сяргей Глазьеў, звяртаючыся да ўдзельнікаў форуму.
Ён падкрэсліў важнасць не толькі аналізу заканадаўства Беларусі, але і нарматыўнай базы Саюзнай дзяржавы. "Я прасіў бы праводзіць маніторынг не толькі заканадаўства Рэспублікі Беларусь, але і нарматыўнай базы нашай Саюзнай дзяржавы. Паколькі дэкрэты, рашэнні рэальна ўвасабляюцца ў жыццё, для нас гэта зваротная сувязь мела б вельмі вялікае значэнне", - сказаў спікер.
Дзяржаўны сакратар адзначыў, што ўдзел у форуме - гэта прызнанне агульнай адказнасці за развіццё СД. "Я ўспрымаю сваё запрашэнне на форум як прызнанне таго, што будаўніцтва Саюзнай дзяржавы - гэта наша агульная справа, і спадзяюся, што мы разам будзем з вамі працаваць па ўмацаванні, пашырэнні магчымасцей Саюзнай дзяржавы. Мы бачым сваю місію ў тым, каб нашы грамадзяне не адчувалі меж паміж нашымі дзяржавамі, карысталіся роўнымі правамі ва ўсіх сферах", - адзначыў ён.
У час работы форуму таксама адбылася цырымонія падпісання пагадненняў аб супрацоўніцтве паміж Курскай абласной Думай і Віцебскім абласным Саветам дэпутатаў, асацыяцыяй "Савет муніцыпальных утварэнняў Рэспублікі Карэлія" і Віцебскай абласной асацыяцыяй мясцовых Саветаў дэпутатаў, паміж Сартавальскай і Піткяранцкай муніцыпальнымі акругамі Рэспублікі Карэлія і Гарадоцкім раёнам.-0-
Падпісвайцеся на нас у
