30 красавіка, Мінск /Кар. БЕЛТА/. Ваеннаслужачыя 30-й чыгуначнай брыгады ў час вучэнняў узвялі пераправу цераз Заходнюю Дзвіну ў раёне Бешанковіч. Інфармацыя аб гэтым размешчана ў Telegram-канале Міністэрства абароны, паведамляе БЕЛТА.
На будаўніцтва моста пайшло каля 70 пантонаў. "Раён узвядзення пераправы выбраны не выпадкова. Для мясцовых жыхароў мост стаў сапраўдным паратункам. Раней перапраўляцца на другі бераг даводзілася на лодках", - паведамілі ў Мінабароны.
Выкарыстоўвацца мост будзе і для патрэб народнай гаспадаркі. У час пасяўной і ўборачнай кампаній па ім зможа хадзіць сельгастэхніка, у тым ліку і велікагрузная.-0-
