15 жніўня, Мінск /Кар. БЕЛТА/. Спёка да 32 градусаў і дажджы з навальніцамі чакаюцца ў Беларусі на гэтым тыдні, паведамілі карэспандэнту БЕЛТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
"Паступленне вельмі цёплых паветраных мас з поўдня Еўропы стала прычынай гарачага надвор'я на тэрыторыі Беларусі. У выхадныя дні тэмпературны фон па краіне павысіўся, і на сярэдзіну дня слупок тэрмометра паказаў плюс 26-31, што на 1-6 градусаў вышэй за кліматычную норму. На будучым рабочым тыдні надвор'е застанецца верным сваім традыцыям. У большасці раёнаў краіны захаваецца спёка. Пры гэтым у начны час тэмпература паветра не апусціцца ніжэй за плюс 14-21, на сярэдзіну дня слупок тэрмометра пакажа 25-32 градусы спёкі, толькі ў дзённы час 17 жніўня ў дажджах і пры больш моцнай воблачнасці месцамі тэмпература паветра не паднімецца вышэй за плюс 23-24", - расказалі ў Белгідрамеце. Таксама не абыдзецца без лакальных навальнічных дажджоў. Яны будуць мець кароткачасовы характар і месцамі суправаджацца навальніцамі.
У аўторак, 16 жніўня, месцамі, а днём па захадзе на большай частцы тэрыторыі краіны, пройдуць кароткачасовыя дажджы, у асобных раёнах навальніцы. Тэмпература паветра ноччу складзе 15-21 градус вышэй за нуль, днём - плюс 26-31.
У сераду, 17 жніўня, месцамі па Беларусі пройдуць кароткачасовыя дажджы, навальніцы. Тэмпература паветра ноччу складзе 14-20 градусаў цяпла, днём - плюс 23-30.
У чацвер, 18 жніўня, будзе пераважна без ападкаў, толькі ноччу па паўднёвым усходзе, днём у паўднёвых раёнах краіны месцамі пройдуць кароткачасовыя дажджы, навальніцы. Тэмпература паветра ноччу складзе плюс 14-20, днём будзе 26-31 градус спёкі.
У пятніцу, 19 жніўня, ноччу па паўднёвым усходзе, днём у асобных раёнах краіны пройдуць кароткачасовыя дажджы, навальніцы. Тэмпература паветра ноччу складзе 14-20 градусаў вышэй за нуль, днём - плюс 26-32.
Паводле папярэдніх прагнозаў сіноптыкаў, у выхадныя дні з тэрыторыі Польшчы да заходніх рэгіёнаў Беларусі наблізіцца франтальная сістэма, якая абумовіць на большай частцы тэрыторыі краіны дажджы рознай інтэнсіўнасці, пры развіцці кучава-дажджавой воблачнасці месцамі дажджы будуць суправаджацца навальніцамі. "Уплыў атмасфернага фронту, які праходзіць праз тэрыторыю Беларусі, захаваецца і ў нядзелю, 21 жніўня. Пры гэтым тэмпературны фон па краіне панізіцца і наблізіцца да сваёй кліматычнай нормы", - адзначылі ў Белгідрамеце.
У суботу, 20 жніўня, ноччу месцамі, днём на большай частцы тэрыторыі краіны пройдуць кароткачасовыя дажджы. У асобных раёнах чакаюцца навальніцы. Тэмпература паветра ноччу складзе 14-20 градусаў вышэй за нуль, днём - плюс 25-32.
У нядзелю, 21 жніўня, на большай частцы тэрыторыі Беларусі пройдуць дажджы. У асобных раёнах магчымы навальніцы. Тэмпература паветра ноччу складзе 13-19 градусаў вышэй за нуль. Днём будзе 20-27 градусаў цяпла, месцамі - да плюс 29.-0-
