28 лютага, Масква /Эдуард Півавар - БЕЛТА/. Авіярэйсы авіякампаній "Белавія" і "Аэрафлот - расійскія авіялініі", што прыбываюць з Мінска ў маскоўскі аэрапорт Шарамецева, пераведзены з тэрмінала F у размешчаны побач тэрмінал Е. Інфармацыя аб гэтым размешчана на анлайн-табло паветранай гавані, паведамляе БЕЛТА.
У тэрмінале Е для грамадзян Беларусі і Расіі, якія прыбываюць з беларускай сталіцы, у пагранічнай зоне абсталяваны асобныя праходы, якія даюць магчымасць бесперашкодна праводзіць устаноўленыя фармальнасці: супрацоўнікам пагранічнай службы неабходна прад'явіць толькі пашпарт і пасадачны талон.
У тэрмінал F аэрапорта Шарамецева перанакіраваны ўсе рэйсы "Аэрафлота" і некаторых замежных кампаній, якія прыбываюць з непаспяховых адносна каранавіруса краін: Кітая, Рэспублікі Карэя, Ірана і Італіі. Пасажыры, якія прылятаюць з гэтых дзяржаў, праходзяць праз спецыяльна абсталяваныя ў тэрмінале F санітарныя пасты.
Вылет усіх рэйсаў у Мінск з Шарамецева па-ранейшаму ажыццяўляецца з тэрмінала D.-0-
