1 верасня, Мінск /Кар. БЕЛТА/. Уздым захваральнасці на COVID-19 прагназуецца, але складанасці ў сувязі з гэтым не чакаюцца, заявіў журналістам міністр аховы здароўя Дзмітрый Піневіч, перадае карэспандэнт БЕЛТА.
"Тое, што мы ўваходзім у сезон уздыму, аб гэтым гаварылі. Усе вярнуліся з водпускаў, у аўдыторыі, людзі залатога ўзросту - з прысядзібных участкаў. Сацыяльнае дыстанцыраванне будзе змяншацца. Да таго ж ад надвор'я нікуды не дзенешся. Лічым, што рост будзе, безумоўна, але нейкіх складаных сітуацый я не бачу", - сказаў Дзмітрый Піневіч.
Цяпер у краіне прадаўжаецца вакцынацыя супраць COVID-19. Студэнцкай моладзі, навучэнцам ССНУ, якія старэйшыя за 18 гадоў, прапануюць вакцыну "Спадарожнік Лайт". Паступае вакцына кітайскай вытворчасці. "Вакцыны дастаткова. Пытанне толькі ў тым, як мы пераканаем усіх, што вакцынавацца трэба", - заўважыў міністр.-0-
