Фота з архіва
3 снежня, Мінск /Кар. БЕЛТА/. Першы энергаблок Беларускай АЭС 3 снежня выведзены ў трэці планава-папераджальны рамонт, паведамілі БЕЛТА на станцыі.
У адпаведнасці з міжнароднай практыкай на кожным энергаблоку АЭС штогод праводзяцца планава-папераджальныя рамонты для перагрузкі ядзернага паліва ў рэактарнай устаноўцы і падтрымання бяспекі і надзейнасці абсталявання і тэхналагічных сістэм на самым высокім узроўні. У перыяд спынення энергаблока нумар 1 высокакваліфікаваныя спецыялісты выканаюць планавае тэхнічнае абслугоўванне, дыягностыку, дэфектацыю і рамонт абсталявання і тэхналагічных сістэм, у тым ліку кантроль стану асноўнага металу і зварных злучэнняў абсталявання і трубаправодаў. Гэтыя мерапрыемствы будуць выкананы ў адпаведнасці з зацверджанымі графікамі.
Важнай часткай запланаваных работ стане замена адпрацаванага ядзернага паліва на свежае - у актыўную зону рэактара будзе загружана каля 25 працэнтаў цеплавыдзяляльных зборак са свежым ядзерным палівам.
Планава-папераджальны рамонт будзе праведзены сіламі рамонтнага персаналу Беларускай АЭС з прыцягненнем персаналу беларускіх і расійскіх падрадных арганізацый.
Першы энергаблок БелАЭС уведзены ў прамысловую эксплуатацыю 10 чэрвеня 2021 года - сумарна ён выпрацаваў 27,5 млрд кВт.гадз электраэнергіі.
Беларуская АЭС з двума рэактарамі ВВЭР-1200 сумарнай магутнасцю 2400 МВт пабудавана па расійскім праекце "АЭС-2006", які адносіцца да эвалюцыйных праектаў АЭС з вода-вадзянымі рэактарамі (ВВЭР) трэцяга пакалення павышанай бяспекі. Яны маюць палепшаныя тэхніка-эканамічныя паказчыкі. Галоўная іх асаблівасць - унікальнае спалучэнне актыўных і пасіўных сістэм бяспекі. Будынак рэактара закрыты двайной ахоўнай абалонкай. Рэактар не пацерпіць у выпадку землетрасення, урагану, паводкі, узрыву і нават падзення самалёта.-0-
У адпаведнасці з міжнароднай практыкай на кожным энергаблоку АЭС штогод праводзяцца планава-папераджальныя рамонты для перагрузкі ядзернага паліва ў рэактарнай устаноўцы і падтрымання бяспекі і надзейнасці абсталявання і тэхналагічных сістэм на самым высокім узроўні. У перыяд спынення энергаблока нумар 1 высокакваліфікаваныя спецыялісты выканаюць планавае тэхнічнае абслугоўванне, дыягностыку, дэфектацыю і рамонт абсталявання і тэхналагічных сістэм, у тым ліку кантроль стану асноўнага металу і зварных злучэнняў абсталявання і трубаправодаў. Гэтыя мерапрыемствы будуць выкананы ў адпаведнасці з зацверджанымі графікамі.
Важнай часткай запланаваных работ стане замена адпрацаванага ядзернага паліва на свежае - у актыўную зону рэактара будзе загружана каля 25 працэнтаў цеплавыдзяляльных зборак са свежым ядзерным палівам.
Планава-папераджальны рамонт будзе праведзены сіламі рамонтнага персаналу Беларускай АЭС з прыцягненнем персаналу беларускіх і расійскіх падрадных арганізацый.
Першы энергаблок БелАЭС уведзены ў прамысловую эксплуатацыю 10 чэрвеня 2021 года - сумарна ён выпрацаваў 27,5 млрд кВт.гадз электраэнергіі.
Беларуская АЭС з двума рэактарамі ВВЭР-1200 сумарнай магутнасцю 2400 МВт пабудавана па расійскім праекце "АЭС-2006", які адносіцца да эвалюцыйных праектаў АЭС з вода-вадзянымі рэактарамі (ВВЭР) трэцяга пакалення павышанай бяспекі. Яны маюць палепшаныя тэхніка-эканамічныя паказчыкі. Галоўная іх асаблівасць - унікальнае спалучэнне актыўных і пасіўных сістэм бяспекі. Будынак рэактара закрыты двайной ахоўнай абалонкай. Рэактар не пацерпіць у выпадку землетрасення, урагану, паводкі, узрыву і нават падзення самалёта.-0-
Падпісвайцеся на нас у
