10 мая, Мінск /Кар. БЕЛТА/. У чэрвені 1941 года армія вермахта імкліва наступала на Савецкі Саюз. Літаральна за некалькі дзён пасля пачатку вайны бамбардзіроўшчыкі люфтвафе ператварылі Мінск у руіны. Горад, захоплены немцамі, пажырала полымя...
Ходзячы па папялішчы, Мікалай Гурло пакляўся ніколі не дараваць і помсціць фашыстам. Ён вёў актыўную антыфашысцкую дзейнасць у складзе мінскай падпольнай групы, а затым - у радах партызан, дзе як баец і мастак прадоўжыў барацьбу супраць нямецкіх акупантаў. Мікалай Гурло праявіў сябе майстрам палітычнай і бытавой сатыры на старонках партызанскіх рукапісных часопісаў, а пасля вайны самабытны мастак прадоўжыў маляваць.
"Партызанскі летапіс: сатыра і гумар Мікалая Гурло" - чарговая старонка сумеснага праекта БЕЛТА і Беларускага дзяржаўнага музея ВАВ. Асновай праекта стала ўнікальная калекцыя рукапісных партызанскіх часопісаў, якая захоўваецца ў Беларускім дзяржаўным музеі гісторыі Вялікай Айчыннай вайны і мае статус гісторыка-культурнай каштоўнасці катэгорыі "1" міжнароднага значэння. Штотыдзень мы расказваем аб гэтых хроніках і публікуем іх пераведзеныя ў лічбавы фармат версіі. Кожная з іх паказвае розныя бакі жыцця партызанскіх фарміраванняў, раскрывае думкі і пачуцці людзей, якія рызыкнулі весці бой у тыле ворага.
Да 3 ліпеня 2019 года БЕЛТА будзе публікаваць партызанскія часопісы, дапаўняючы ўнікальны тэкставы кантэнт архіўнымі фатаграфіямі агенцтва.-0-
