ДЗЯРЖОРГАНЫДЗЯРЖОРГАНЫ
Флаг Аўторак, 7 лютага 2023
Мінск -7°C
Усе навіны
Усе навіны
Грамадства
05 снежня 2022, 09:40

Падарыць радасць дзецям: на БМЗ з'явілася "Ёлка жаданняў"

Фота БМЗ
Фота БМЗ

5 снежня, Гомель /Кар. БЕЛТА/. "Ёлку жаданняў", упрыгожаную паштоўкамі з пажаданнямі дзяцей, якія пазбаўлены бацькоўскай любові і клопату, устанавілі на Беларускім металургічным заводзе. Завадчан запрашаюць прыняць удзел у дабрачыннай акцыі, паведамілі БЕЛТА на прадпрыемстве.

Навагодняя прыгажуня з пасланнямі дзяцей размясцілася ў холе інжынернага корпуса нумар 1 заводаўпраўлення. Адчуць сябе чараўніком можа кожны жадаючы. "Для гэтага трэба зняць з ёлкі паштоўку з назвай падарунка (у нашым выпадку гэта канцылярыя або сродак асабістай гігіены), набыць неабходны тавар і пакінуць яго ў спецыяльным боксе. Пры жаданні можна купіць любы падарунак, незалежна ад таго, ёсць жаданне аб ім на паштоўцы ці не", - расказалі на прадпрыемстве.

Як адзначыў вядучы інжынер АТР і ідэйны натхняльнік чарадзейнай акцыі Мікіта Самсонаў, марафон добрых спраў праходзіць ужо шосты раз і ўсё больш становіцца колькасць удзельнікаў. "Да работнікаў завода далучаюцца і жыхары горада. У гэтым годзе яшчэ да аб'яўлення аб пачатку акцыі сталі паступаць званкі не толькі ад калег, але і ад жлабінчан. Людзі цікавяцца, ці можна перадаваць падарункі ўжо, што лепш купіць, ці можна ўзяць не адну паштоўку. Яны хочуць удзельнічаць і рабіць дабро", - звярнуў увагу ён.

"Падарункі будуць накіраваны ў наш прытулак, дзіцячы карэкцыйны цэнтр і ў дзіцячыя дамы сямейнага тыпу", - дадаў Мікіта Самсонаў.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі