9 сакавіка, Мінск /Кар. БЕЛТА/. У Мінску з 20 сакавіка арганізуецца адпраўленне ў рэйс некалькіх міжгародніх міжабласных маршрутаў ад аўтавакзала "Усходні", паведамілі БЕЛТА на прадпрыемстве "Сталічны транспарт і сувязь".
Гэта зроблена, каб скараціць час руху для пасадкі на міжгароднія маршруты жыхароў Заводскага і Партызанскага раёнаў, адзначылі на прадпрыемстве.
Размова ідзе аб дзевяці маршрутах: №7403-Э, 7403-Т "Мінск - Любча", №7206 "Мінск - Паставы", №7402-Э, 7402-Т "Мінск - Ліда", №7404-С "Мінск - Навагрудак (п/з Стоўбцы)", №7405 "Мінск - сан.Радон", №7205-С "Мінск - Наваполацк" і №7204-С "Мінск - Віцебск".
Аўтавакзал "Цэнтральны" ўключаны ў маршрут як прамежкавы прыпыначны пункт. Час адпраўлення ад яго застаецца ранейшым.
Рух па маршруце №7604-Э, 7607-ТК "Мінск - Магілёў" будзе арганізаваны ад аўтавакзала "Цэнтральны" з заездам на аўтавакзал "Усходні".-0-