4 ліпеня, Мінск /Кар. БЕЛТА/. Навальніцы і кароткачасовыя дажджы будуць у Беларусі 5 ліпеня, паведамілі БЕЛТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
У аўторак, 5 ліпеня, будзе пераменная воблачнасць. Месцамі пройдуць кароткачасовыя дажджы з навальніцамі. У начныя і ранішнія гадзіны ў асобных раёнах магчымы слабы туман. Вецер заходні, паўночна-заходні 3-8 м/с, пры навальніцах парывы могуць узмацніцца да 14 м/с. Тэмпература паветра ноччу складзе плюс 13-19 градусаў. Днём тэмпература паветра будзе вагацца ад плюс 24 градусаў па паўночным захадзе да плюс 31 градуса па паўднёвым усходзе, у сувязі з чым сіноптыкі аб'явілі аранжавы ўзровень небяспекі.-0-
