Мабільная версія
ДЗЯРЖОРГАНЫ

Апошнія навіны
Усе навіны

На выхадных у Беларусі пацяплее

Грамадства 15.07.2019 | 14:07

15 ліпеня, Мінск /Кар. БЕЛТА/. У Беларусі на працягу рабочага тыдня будзе пераважаць халаднаватае з дажджамі надвор'е, толькі на выхадных надвор'е палепшыцца і пацяплее, паведамілі БЕЛТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.

У аўторак, 16 ліпеня, уначы месцамі па Гомельскай і Магілёўскай абласцях, а ўдзень на большай частцы тэрыторыі рэспублікі пройдуць кароткачасовыя дажджы, удзень у асобных раёнах навальніцы. У начны і ранішні час месцамі будзе слабы туман. Тэмпература паветра ўначы складзе 7-13 градусаў цяпла, удзень будзе плюс 19-25 градусаў.

У сераду, 17 ліпеня, надвор'е ў Беларусі будуць вызначаць атмасферныя франты цыклону, шлях якога пройдзе ўздоўж паўночна-ўсходніх межаў краіны. Чакаецца пераважна воблачнае надвор'е, часам пройдуць дажджы. Удзень у асобных раёнах магчымы навальніцы. У начны і ранішні час месцамі слабы туман. Уначы будзе ад 8 да 14 градусаў вышэй за нуль, удзень паветра прагрэецца да 16-22 градусаў.

У чацвер, 18 ліпеня, чакаецца няўстойлівае надвор'е, часам дажджы рознай інтэнсіўнасці, удзень дажджы будуць суправаджацца парывістым ветрам. Тэмпература ўначы - 8-14 градусаў цяпла, удзень чакаецца ад плюс 15 па паўночным усходзе да 23 градусаў вышэй за нуль па паўднёвым захадзе краіны.

У пятніцу, 19 ліпеня, надвор'е пачне паляпшацца, але месцамі не абыдзецца без кароткачасовых дажджоў. У начны і ранішні час у асобных раёнах слабы туман. Уначы будзе плюс 8-15 градусаў, удзень прагназуецца ад 17 градусаў цяпла па паўночным усходзе да плюс 26 градусаў па паўднёвым захадзе краіны.

У суботу і нядзелю, 20-21 ліпеня, надвор'е будуць вызначаць вобласць павышанага атмасфернага ціску і цёплая няўстойлівая паветраная маса. Уначы пераважна без ападкаў, удзень у асобных раёнах краіны пройдуць кароткачасовыя дажджы, магчымы навальніцы. У начны і ранішні час месцамі слабы туман. Тэмпература ў начны час складзе 9-16 градусаў вышэй за нуль, удзень у суботу - плюс 20-27, у нядзелю - 22-29 градусаў са знакам плюс.-0-

Версія для друку
Навіны рубрыкі Грамадства
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Прафілактыка ўкусаў змей У Беларусі жывуць тры віды змей: вуж, мядзянка, гадзюка звычайная (адзіная ядавітая).