14 студзеня, Мінск /Кар. БЕЛТА/. Мінчане могуць паведамляць аб пашкоджаннях гарадской інфраструктуры па тэлефоне 115, паведамляе БЕЛТА са спасылкай на Telegram-канал "Мінск. Афіцыйна".
У Мінску сёння ўраганны вецер: падаюць дрэвы, рэкламныя шчыты, дарожныя знакі. На Партызанскім праспекце вецер знёс светлавую канструкцыю ў форме грузавіка МАЗ.
"Гарадскія службы працуюць ва ўзмоцненым рэжыме для ліквідацыі наступстваў моцнага ветру. Аб існуючых пашкоджаннях, паваленых дрэвах і іншых разбурэннях гарадской інфраструктуры мінчане могуць паведаміць па тэлефоне 115", - сказана ў паведамленні.
Устараняюць наступствы стыхіі і камунальныя службы, і падраздзяленні МНС. Яны прыбіраюць канструкцыі, якія ўпалі на дарогі, распілоўваюць паваленыя дрэвы.
Паводле прагнозу сіноптыкаў, моцны вецер захаваецца ў сталіцы, як і ў іншых частках краіны, да канца дня.-0-
