ДЗЯРЖОРГАНЫДЗЯРЖОРГАНЫ
Флаг Аўторак, 15 чэрвеня 2021
Мінск Ясна +22°C
Усе навіны
Усе навіны
Грамадства
05 мая 2021, 11:39

Канстытуцыйны суд прызнаў закон аб абароне персанальных даных адпаведным Канстытуцыі

Фота з архіва
Фота з архіва

5 мая, Мінск /Кар. БЕЛТА/. Канстытуцыйны суд Беларусі прызнаў закон "Аб абароне персанальных даных" адпаведным Канстытуцыі. Гэта адлюстравана ў рашэнні КС нумар Р-1261/2021 ад 29 красавіка 2021 года, якое сёння афіцыйна апублікавана на Нацыянальным прававым інтэрнэт-партале, паведамляе БЕЛТА.

"Канстытуцыйны суд прыходзіць да высновы аб тым, што па змесце норм, форме акта і парадку прыняцця закон адпавядае Канстытуцыі", - гаворыцца ў рашэнні.

Зыходзячы з аналізу норм, Канстытуцыйны суд лічыць, што закон устанаўлівае сістэмнае і комплекснае рэгуляванне найважнейшых грамадскіх адносін, якія ўзнікаюць пры апрацоўцы персанальных даных фізічных асоб. Ён мае на мэце абарону канстытуцыйных правоў і свабод чалавека, у тым ліку права на абарону ад незаконнага ўмяшання ў яго асабістае жыццё шляхам недапушчэння неправамернага выкарыстання персанальных даных. Ствараюцца неабходныя ўмовы для эфектыўнага міжнароднага супрацоўніцтва ў сферы забеспячэння права на недатыкальнасць асабістага жыцця.

Канстытуцыйны суд таксама адзначае, што пры ўдасканаленні прававога рэгулявання работы з персанальнымі данымі заканадаўцам улічаны рэкамендацыі, якія змешчаны ў міжнародна-прававых актах, а таксама станоўчы замежны і айчынны вопыт у гэтай галіне.

У прыватнасці, законам прадугледжваецца стварэнне ўпаўнаважанага органа па абароне правоў суб'ектаў персанальных даных, а таксама вызначаюцца яго паўнамоцтвы. Гэта адпавядае палажэнням Канстытуцыі аб забеспячэнні правоў і свабод грамадзян Беларусі як вышэйшай мэты дзяржавы, а таксама ўзгадняецца з патрабаваннямі рэзалюцыі Генеральнай асамблеі ААН 73/179 "Права на недатыкальнасць прыватнага жыцця ў лічбавую эпоху" ад 17 снежня 2018 года.

Закон "Аб абароне персанальных даных" прыняты Палатай прадстаўнікоў 2 красавіка, адобраны Саветам Рэспублікі 21 красавіка 2021 года.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі