29 верасня, Мінск /Кар. БЕЛТА/. Генеральная пракуратура правяла праверку па факце прымянення агнястрэльнай зброі супрацоўнікамі КДБ, што прывяло да смерці жыхара Мінска. Аб гэтым БЕЛТА паведамілі ў Генеральнай пракуратуры.
Устаноўлена, што гэты грамадзянін абгрунтавана падазраваўся ва ўчыненні асабліва небяспечных злачынстваў, звязаных з тэрарызмам. Супрацоўнікі КДБ з панятымі на падставе пастановы аб правядзенні вобыску, санкцыянаванай намеснікам генеральнага пракурора, прыбылі да жылля падазронага.
Пры падрыхтоўцы да правядзення працэсуальнага дзеяння супрацоўнікі прадставіліся жыльцам кватэры прадстаўнікамі праваахоўных органаў.
Неаднаразовыя патрабаванні адчыніць дзверы і ўпусціць у жыллё, папярэджанні аб адкрыцці замыкальных устройстваў гаспадар праігнараваў. Пасля чаго праваахоўнікі на законных падставах адчынілі дзверы і ўвайшлі ў кватэру. Там падазроны двойчы выстраліў у супрацоўнікаў КДБ з агнястрэльнай зброі, нанёсшы аднаму з вартавых правапарадку агнястрэльнае раненне, што прывяло да смерці.
Супрацоўнікі КДБ, дзейнічаючы на падставе закона аб органах дзяржаўнай бяспекі, зыходзячы з існуючай абстаноўкі, у адказ на ўзброенае нападзенне прымянілі агнястрэльную зброю, нанёсшы злачынцу пашкоджанні, ад якіх ён памёр.
Пракурорскай праверкай устаноўлена, што супрацоўнікі КДБ дзейнічалі ў межах прадастаўленых правоў і ў адпаведнасці з заканадаўствам.-0-
