19 красавіка, Мінск /Кар. БЕЛТА/. Адобраны пераклад на беларускую мову Кодэкса Рэспублікі Беларусь аб адміністрацыйных правапарушэннях, паведамляе БЕЛТА са спасылкай на Нацыянальны прававы інтэрнэт-партал.
Кодэкс Рэспублікі Беларусь аб адміністрацыйных правапарушэннях ад 6 студзеня 2021 года 91-З, задачамі якога з'яўляюцца абарона жыцця, здароўя, правоў, свабод і законных інтарэсаў фізічных асоб, інтарэсаў грамадства і дзяржавы, правоў і законных інтарэсаў юрыдычных асоб, а таксама папярэджанне адміністрацыйных правапарушэнняў, уступіў у сілу з 1 сакавіка 2021 года. Яго пераклад на беларускую мову адобраны экспертным саветам, які складаецца з прадстаўнікоў Адміністрацыі Прэзідэнта, Нацыянальнай акадэміі навук, Палаты прадстаўнікоў, Міністэрства юстыцыі, Міністэрства культуры, Нацыянальнага цэнтра прававой інфармацыі, Нацыянальнага цэнтра заканадаўства і прававых даследаванняў, вядучых ВНУ краіны і іншых арганізацый, у тым ліку недзяржаўных, і рэкамендаваны для размяшчэння на Нацыянальным прававым інтэрнэт-партале.
Усяго з пачатку работы экспертнага савета былі перакладзены на беларускую мову 13 заканадаўчых актаў: Кодэкс аб шлюбе і сям'і, Выбарчы, Грамадзянскі, Жыллёвы, Працоўны, Водны, Лясны, Кодэкс аб зямлі, Кодэкс аб нетрах, Кодэкс гандлёвага мараплавання, Кодэкс аб судовым ладзе і статусе суддзяў, Грамадзянскі працэсуальны кодэкс, Кодэкс Рэспублікі Беларусь аб адміністрацыйных правапарушэннях. З іх тэкстамі можна азнаёміцца ў раздзеле "Кодэксы Рэспублікі Беларусь" на Pravo.by.-0-
