9 жніўня, Мінск /Кар. БЕЛТА/. Нацыянальным цэнтрам рэагавання на камп'ютарныя інцыдэнты Рэспублікі Беларусь (CERT.BY) 8 жніўня каля 22.00 зафіксавана вялікая хваля DDoS-атак на інфраструктуру сеткі BY-NET. Такая інфармацыя размешчана на сайце цэнтра, паведамляе БЕЛТА.
"Устаноўлена, што атакі зведала абсталяванне, на якім размешчаны ў тым ліку сайты Камітэта дзяржаўнай бяспекі (kgb.gov.by) і Міністэрства ўнутраных спраў (mvd.gov.by). Уздзеянне прадоўжылася і 9 жніўня. Былі ўчынены атакі ў 2.52 і 6.17, іх працягласць склала амаль 1 гадзіну для кожнай. Неабходна адзначыць, што пікавае значэнне зафіксавана на адзнацы 203 Гб/с, а сярэдняе - з разліку 91+49 Гб/с", - праінфармавалі ў цэнтры.
Зламыснікі выкарыстоўвалі тэхналогіі ўздзеяння UDP Flooding, UDP Fragment, UDP0 Flooding, DNS Flooding, ICMP Misuse і NTP Flooding. "Неабходна адзначыць, што тэхнічныя рашэнні па абароне (Anti-DDoS) правайдараў адбілі названыя атакі, аднак паводле нашай інфармацыі пачаліся праблемы з абсталяваннем", - адзначылі ў CERT.BY.-0-
