4 ліпеня, Мінск /Кар. БЕЛТА/. За выхадныя колькасць легкавога транспарту на ўезд у краіны ЕС павялічылася на 14 працэнтаў, грузавога - на 7 працэнтаў. Аб гэтым БЕЛТА паведамілі ў Дзяржпагранкамітэце.
Колькасць легкавога транспарту, прапушчанага суседнімі краінамі, склала 64 працэнты ад нормы.
Менш за ўсё машын аформілі ў польскім пагранпераходзе "Цярэспаль" ("Брэст") і літоўскім "Мядзінінкай" ("Каменны Лог") - усяго 37 працэнтаў. Найбольш загружаным пунктам пропуску з'яўляецца польскі "Баброўнікі" ("Бераставіца").
Суседнія кантрольныя службы ажыццяўлялі пропуск грузавога транспарту з затрымкамі на ўсіх напрамках.
Праз польскія і літоўскія пункты пропуску ў краіны Еўрасаюза ўехала толькі 31 працэнт і 45 працэнтаў фур ад нормы адпаведна. Латвійскія кантрольныя службы аформілі 68 працэнтаў велікагрузаў ад устаноўленых дамоўленасцей. Больш за ўсё транспарту фіксуецца перад літоўскім пагранпераходам "Мядзінінкай" ("Каменны Лог").-0-
