ДЗЯРЖОРГАНЫДЗЯРЖОРГАНЫ
Флаг Серада, 20 кастрычніка 2021
Мінск Пераменная воблачнасць +8°C
Усе навіны
Усе навіны
Грамадства
16 верасня 2021, 15:09

ДПК: польскія сілавікі прымушаюць бежанцаў прабірацца ў Беларусь праз калючы дрот

Фота Delfi
Фота Delfi

16 верасня, Мінск /Кар. БЕЛТА/. На ўчастку заставы "Русакі" Гродзенскай пагрангрупы беларускія пагранічнікі зафіксавалі яшчэ адзін факт насільнага выцяснення бежанцаў польскімі сілавікамі. Выпадак адбыўся недалёка ад месца, дзе ўжо амаль месяц знаходзяцца 32 бежанцы з Афганістана, якіх польскі бок даставіў да лініі граніцы і пакінуў. Аб гэтым БЕЛТА паведамілі ў Дзяржпагранкамітэце.

"Ноччу 16 верасня беларускі паграннарад убачыў святло фар і пачуў шум на сумежнай тэрыторыі. Аператыўна прыбыўшы да месца магчымага парушэння граніцы, пагранічнікі знайшлі ў загародзе, устаноўленай польскім бокам, чалавека, які заблытаўся ў калючым дроце. Нягледзячы на прыбыццё беларускай пагранслужбы і пакуты бежанца, польскія сілавікі прадаўжалі гнаць мужчыну на беларускую тэрыторыю непасрэдна праз траўміруючую загароду", - расказалі ў ДПК.

Ацаніўшы сітуацыю і рызыку гібелі мужчыны, беларускі бок вырашыў аказаць неадкладную дапамогу і выклікаў брыгаду медыкаў. "На целе грамадзяніна Егіпта выяўлены шматлікія гематомы ад прымянення фізічнай сілы і парэзы, у выніку якіх ён страціў шмат крыві. Мужчына растлумачыў, што яго насільна прывезлі да лініі граніцы польскія сілавікі, адабраўшы грошы і асабістыя рэчы, а затым пад пагрозай прымянення зброі прымусілі пераадольваць загароду", - дадалі ў ведамстве.

З-за цяжкага стану бежанца было вырашана тэрмінова шпіталізаваць яго ў Бераставіцкую ЦРБ.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі