28 сакавіка, Мінск /Кар. БЕЛТА/. У асноўным без ападкаў і да 17 градусаў цяпла чакаецца ў Беларусі ў выхадныя, паведамілі БЕЛТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
"Сакавік развітаецца з намі цёплым надвор'ем. У бліжэйшыя дні пераважны ўплыў на надвор'е ў Беларусі будзе аказваць вобласць павышанага атмасфернага ціску, будзе ў асноўным без ападкаў, толькі ў апошні дзень сакавіка не абыдзецца без кароткачасовых дажджоў", - расказалі ў Белгідрамеце.
29 сакавіка надвор'е ў Беларусі ў асноўным будзе вызначаць вобласць павышанага атмасфернага ціску. Прагназуецца пераважна без ападкаў, толькі ў начны і ранішні час ва ўсходніх раёнах краіны, дзе будзе адчувацца ўплыў малаактыўнага франтальнага раздзелу, пройдуць невялікія ападкі ў выглядзе мокрага снегу і дажджу. Раніцай месцамі па краіне чакаецца слабы туман. Тэмпература паветра ўначы складзе ад мінус 3 да плюс 3 градусаў, удзень 7-13 цяпла.
У суботу ўмовы надвор'я будзе вызначаць вобласць павышанага атмасфернага ціску і цёплая паветраная маса, якая паступае з Заходняй Еўропы. Будзе пераважна без ападкаў. Уначы і раніцай у асобных раёнах чакаецца слабы туман. Тэмпература паветра ўначы складзе ад 0 да 6 градусаў цяпла, удзень - плюс 10-17.
31 сакавіка, у нядзелю, тэрыторыя Беларусі будзе знаходзіцца пад уплывам франтальных раздзелаў, якія ідуць з Балтыйскага мора. Уначы ў асобных раёнах, раніцай і ўдзень на большай частцы тэрыторыі рэспублікі пройдуць кароткачасовыя дажджы. Уначы і раніцай - слабы туман. Тэмпература паветра ўначы складзе 2-7 градусаў цяпла, удзень у асноўным - плюс 8-14, па паўднёвым усходзе краіны паветра прагрэецца да 16 градусаў.
У першы дзень красавіка пахаладае. Уначы і раніцай пад уплывам франтальных раздзелаў месцамі па рэспубліцы пройдуць невялікія кароткачасовыя ападкі (мокры снег, дождж). Удзень тэрыторыя Беларусі будзе знаходзіцца пад уплывам вобласці павышанага атмасфернага ціску, сфарміраванай у больш халоднай паветранай масе паўночных шырот. Будзе пераважна без ападкаў. Тэмпература паветра ўначы складзе ад мінус 3 да плюс 4, удзень - 4-10 градусаў вышэй за нуль.-0-
