Мабільная версія
ДЗЯРЖОРГАНЫ

Апошнія навіны
Усе навіны

Чэрвеньскі рынак на новай пляцоўцы ў Мінску плануецца адкрыць 2 красавіка

Грамадства 27.03.2013 | 16:28
27 сакавіка, Мінск /Надзея Радзівон - БЕЛТА/. Чэрвеньскі рынак на новай пляцоўцы ў мінскім мікрараёне Лошыца пачне працаваць 2 красавіка. Аб гэтым карэспандэнту БЕЛТА паведамілі ў дырэкцыі рынку.

Урачыстая цырымонія адкрыцця аб'екта намечана на 6 красавіка. Ён размешчаны на месцы былога разваротнага тралейбуснага кальца на скрыжаванні вуліцы Маякоўскага і завулка Маякоўскага (недалёка ад Лошыцкага парку).

Плошча новага рынку складае 1,7 га, тут размешчаны больш як 700 павільёнаў, усе яны ўжо заняты, добраўпарадкавана стаянка аўтатранспарту. У асноўным прадпрымальнікі будуць гандляваць прамысловымі таварамі, але прадугледжаны і зоны продажу будматэрыялаў, плодаагародніннай і мяса-малочнай прадукцыі. Для рэалізацыі прадуктаў харчавання вызначаны асобны будынак. Летам дадаткова плануецца арганізаваць сезонны гандаль агароднінай і фруктамі. Што датычыцца "Чэрвеньскага пасажа", то пакуль пляцоўка пад яго не вызвалілася.

Эксплуатацыяй новага гандлёвага аб'екта займаецца ПУП "Чэрвеньскі рынак у Лошыцы" - даччынае прадпрыемства ТАА "НямігаЭкспартБуд", якое праводзіла будаўніцтва рынку (заснавальнікамі выступаюць Беларускі саюз прадпрымальнікаў, Мінскі сталічны саюз прадпрымальнікаў і работадаўцаў і Беларуская канфедэрацыя прадпрымальніцтва).

Чэрвеньскі рынак у Мінску закрыўся 1 лютага. На цяперашнім месцы рынка прадугледжваецца будаўніцтва шматфункцыянальнага грамадска-дзелавога і гандлёва-забаўляльнага комплексу. Інвестарам выступае іранская кампанія Didas. Адпаведны інвестдагавор паміж ЗАТ "Дзідас Інтэрнэшнл Груп" (Іран) і Мінгарвыканкамам падпісаны ў лютым 2011 года.
Версія для друку
Навіны рубрыкі Грамадства
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Графік работы ўстаноў аховы здароўя ў снежаньскія выхадныя і святы У Беларусі зменены графік работы ўстаноў аховы здароўя ў выхадныя і святочныя дні ў снежні 2018 года.