18 студзеня, Мінск /Кар. БЕЛТА/. З-за чаго ў Беларусь прыйшла марозная зіма і якога надвор'я чакаць далей, расказаў малодшы навуковы супрацоўнік лабараторыі кліматычных даследаванняў Інстытута прыродакарыстання НАН Беларусі Іван Буякоў у эфіры тэлеканала АНТ, паведамляе БЕЛТА.
За снежным "Улі" ў Беларусь прыйшлі маразы. "З аднаго боку, гэта нармальна, так павінна быць. Перыядычна да нас прыходзяць такія цыклоны з міжземнаморскага басейна, як "Улі", "Хаўер". З другога боку, мы расслабіліся, таму што ўсё ж з лютага 2021 года не было такіх моцных маразоў, каб тэмпература паветра апускалася да мінус 27-29 градусаў", - сказаў Іван Буякоў.
Зямля награваецца рэкорднымі тэмпамі наперакор маразам у Еўропе, і навуковы супрацоўнік расказаў, чаго чакаць далей. "Тэндэнцыя да пацяплення цяпер пакуль захоўваецца. Але пацяпленне - гэта не толькі рост тэмпературы паветра па экспаненце. Яно праяўляецца яшчэ і ў нарастанні зменлівасці паміж гадамі. Вы самі бачылі, што апошнія зімы былі цёплыя. У 2023 годзе ў студзені ўстаноўлены рэкорды цяпла, калі было плюс 15 градусаў на Новы год у Брэсце. Мінула літаральна два гады, і ў нас ужо 15 градусаў марозу", - адзначыў Іван Буякоў.
"Мы тут маем цыркуляцыю атмасферы. Справа ў тым, што зімой у нашых шыротах, калі сонца нізка, тэмпература паветра практычна поўнасцю залежыць ад цыркуляцыйнага фактару, г.зн., адкуль да нас прыйдзе паветраная маса. І ад таго, ці ёсць снежнае покрыва. Сёлета ўсё склалася ўдала, у нас была серыя цыклонаў са Скандынавіі, якія неслі халоднае паветра, потым змянілася цыркуляцыя - ужо з поўдня быў перанос, заток у тылавой частцы паўднёвага цыклону халоднага паветра з паўночных шырот.Усталявалася снежнае покрыва, адбылося праясненне, і пачалося радыяцыйнае выхалоджванне мясцовасці. Акрамя таго, цяпер у нас усталяваўся вялікі блакіруючы антыцыклон. Мы цяпер атрымліваем радыяцыйнае выхалоджванне і мароз на фоне прысутнасці снежнага покрыва. Кал б снегу цяпер не было, то было б ад мінус 5 да мінус 10 градусаў, не больш. Таму кожны год - унікальны", - растлумачыў спецыяліст.-0-
За снежным "Улі" ў Беларусь прыйшлі маразы. "З аднаго боку, гэта нармальна, так павінна быць. Перыядычна да нас прыходзяць такія цыклоны з міжземнаморскага басейна, як "Улі", "Хаўер". З другога боку, мы расслабіліся, таму што ўсё ж з лютага 2021 года не было такіх моцных маразоў, каб тэмпература паветра апускалася да мінус 27-29 градусаў", - сказаў Іван Буякоў.
Зямля награваецца рэкорднымі тэмпамі наперакор маразам у Еўропе, і навуковы супрацоўнік расказаў, чаго чакаць далей. "Тэндэнцыя да пацяплення цяпер пакуль захоўваецца. Але пацяпленне - гэта не толькі рост тэмпературы паветра па экспаненце. Яно праяўляецца яшчэ і ў нарастанні зменлівасці паміж гадамі. Вы самі бачылі, што апошнія зімы былі цёплыя. У 2023 годзе ў студзені ўстаноўлены рэкорды цяпла, калі было плюс 15 градусаў на Новы год у Брэсце. Мінула літаральна два гады, і ў нас ужо 15 градусаў марозу", - адзначыў Іван Буякоў.
"Мы тут маем цыркуляцыю атмасферы. Справа ў тым, што зімой у нашых шыротах, калі сонца нізка, тэмпература паветра практычна поўнасцю залежыць ад цыркуляцыйнага фактару, г.зн., адкуль да нас прыйдзе паветраная маса. І ад таго, ці ёсць снежнае покрыва. Сёлета ўсё склалася ўдала, у нас была серыя цыклонаў са Скандынавіі, якія неслі халоднае паветра, потым змянілася цыркуляцыя - ужо з поўдня быў перанос, заток у тылавой частцы паўднёвага цыклону халоднага паветра з паўночных шырот.Усталявалася снежнае покрыва, адбылося праясненне, і пачалося радыяцыйнае выхалоджванне мясцовасці. Акрамя таго, цяпер у нас усталяваўся вялікі блакіруючы антыцыклон. Мы цяпер атрымліваем радыяцыйнае выхалоджванне і мароз на фоне прысутнасці снежнага покрыва. Кал б снегу цяпер не было, то было б ад мінус 5 да мінус 10 градусаў, не больш. Таму кожны год - унікальны", - растлумачыў спецыяліст.-0-
Падпісвайцеся на нас у
