ДЗЯРЖОРГАНЫДЗЯРЖОРГАНЫ
Чацвер, 23 студзеня 2020
Мінск Пераменная воблачнасць -1°C
Усе навіны
Усе навіны
Грамадства
14 студзеня 2020, 18:57

Больш за 400 каманд прымуць удзел у адборачным этапе рэспубліканскага чэмпіянату па інтэлектуальных гульнях

Фота з архіва
Фота з архіва

14 студзеня, Мінск /Кар. БЕЛТА/. Сінхронны адборачны этап XXVII Рэспубліканскага чэмпіянату па інтэлектуальных гульнях адбудзецца 19 студзеня адначасова на 21 пляцоўцы краіны. Аб гэтым БЕЛТА паведамілі ў Нацыянальным цэнтры мастацкай творчасці дзяцей і моладзі Міністэрства адукацыі.

"Удзел у спаборніцтвах прымуць больш за 400 каманд па інтэлектуальных гульнях з ліку вучняў устаноў дадатковай адукацыі дзяцей і моладзі, устаноў агульнай сярэдняй адукацыі. Сінхронны адборачны этап адбудзецца з 12.00 да 15.00 адначасова на 21 пляцоўцы краіны: у Брэсце, Баранавічах, Кобрыне, Пінску, Віцебску, Полацку, Гомелі, Мазыры, Гродне, Ваўкавыску, Лідзе, Навагрудку, Ашмянах, Барысаве, Вілейцы, Жодзіне, Салігорску, Чэрвені, Магілёве, Кіраўску і Мінску", - расказалі ў цэнтры.

Каманды вызначаць удзельнікаў фіналу XXVII Рэспубліканскага чэмпіянату па інтэлектуальных гульнях, які пройдзе 24-26 красавіка.

Арганізатарамі мерапрыемства выступаюць Міністэрства адукацыі, Нацыянальны цэнтр мастацкай творчасці дзяцей і моладзі Міністэрства адукацыі, Рэспубліканскае грамадскае аб'яднанне "Беларуская ліга інтэлектуальных каманд". Яго мэта - фарміраванне рознабакова развітой асобы, развіццё інтэлектуальных здольнасцей дзяцей і моладзі.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі