Азараў: для доўгатэрміновага міру неабходны пэўныя ўмовы

30 студзеня, Мінск /Кар. БЕЛТА/. Аб перспектывах завяршэння расійска-ўкраінскага канфлікту расказаў прэм'ер-міністр Украіны (2010-2014 гады) Мікалай Азараў у праекце "У тэме" на YouTube-канале БЕЛТА.

"Ва ўсіх разважлівых людзей, патрыётаў сваіх краін, ёсць вялікае жаданне закончыць гэты канфлікт як мага хутчэй. Вось паверце мне, вялізнае жаданне. Я разумею добра Аляксандра Рыгоравіча, але ўзнікае шэраг пытанняў. Чаго мы хочам? Перамір'я, часовай перадышкі або доўгатэрміновага міру? Для доўгатэрміновага міру неабходны пэўныя ўмовы", - заявіў палітык.

Ён лічыць, што з дзеючай украінскай уладай урэгуляванне канфлікту можа быць недоўгатэрміновым. "Я ў якасці галоўнай умовы бачу існуючы цяпер у Кіеве рэжым. Я не ўяўляю сабе, якую цану могуць мець любыя дамоўленасці, дасягнутыя з гэтым рэжымам. Гэта нелегітымны, абсалютна нацысцкі па сваёй сутнасці рэжым, які арганізаваў у сваёй краіне накшталт канцлагера", - заявіў Азараў.

"Каб было зразумела, забаронены выезд практычна ўсіх людзей з краіны. Ідуць аблавы на людзей, і ў краіне адсутнічаюць усе апазіцыйныя партыі палітычныя. І вось уявіце сабе, што з такім рэжымам нейкія пагадненні будуць падпісаны. Але хто ў іх рэальна паверыць, што яны будуць доўгатэрміновыя і забяспечаць мір і Украіне, і Расіі, і Беларусі, і ўсім краінам Еўропы і гэтак далей?" - растлумачыў былы прэм'ер-міністр Украіны.

"Таму, на мой погляд, змена гэтага рэжыму, які ўстаноўлены пасля дзяржаўнага перавароту, з'яўляецца абсалютна незаконным і нелегітымным. Можа атрымацца нейкае пагадненне. Я не выключаю, што Трамп, напрыклад, з яго рашучасцю, безумоўна, можа даць каманду, і Зяленскі і да таго падобныя сядуць за стол перагавораў, падпішуць любое пагадненне, якое ім прадыктуюць. І Трамп да гэтага часу 100 працэнтаў дамовіцца з Расіяй, напрыклад. Але ці будуць мець вагу гэтыя пагадненні, што яны дадуць нам далей, я сабе з цяжкасцю ўяўляю", - рэзюмаваў Азараў.-0-