ДЗЯРЖОРГАНЫДЗЯРЖОРГАНЫ
Флаг Аўторак, 15 чэрвеня 2021
Мінск Ясна +22°C
Усе навіны
Усе навіны
Грамадства
15 мая 2021, 15:47

Арэнда кватэр і азеляненне двароў - Кухараў правёў прамую тэлефонную лінію

Фота з архіва
Фота з архіва

15 мая, Мінск /Кар. БЕЛТА/. Аплата праезду ў грамадскім транспарце, пытанні арэнды кватэр і азелянення двароў закраналіся падчас прамой тэлефоннай лініі старшыні Мінгарвыканкама Уладзіміра Кухарава, перадае карэспандэнт БЕЛТА.

Паводле яго слоў, у камітэце эканомікі Мінгарвыканкама будзе створаны аддзел транспарту, які зоймецца эканамічным аналізам, пытаннямі, звязанымі з праязнымі, перыядычнасцю руху транспарту, будзе ўносіць прапановы па ўкараненні новых тэхналогій. "Мы павінны стварыць усе ўмовы, каб чалавек меў магчымасць аплачваць праезд у грамадскім транспарце любым зручным для яго відам плацежнай сістэмы. Гэта таксама дасць магчымасць знізіць расходы на ўтрыманне вялікай колькасці білетных кіёскаў, на што ідуць немалыя сродкі", - заявіў Уладзімір Кухараў.

Сваё пытанне падчас прамой лініі задаў мужчына, які пражывае ў доме нумар 54 па вул. М.Багдановіча. Ён паскардзіўся на матацыклістаў, якія ездзяць па вуліцы на вялікай скорасці, шумяць, дастаўляюць нязручнасці гараджанам у вячэрні час.

Уладзімір Кухараў адзначыў, што такая язда часта прыводзіць да сумных наступстваў. "Па гэтых удзельніках руху пастаянна вядзецца работа, а на выхадных узмацняецца патруляванне супрацоўнікамі ДАІ. Вельмі многія парушальнікі прыцягваюцца да адказнасці", - сказаў ён.

Акрамя таго, мінчанін закрануў пытанне, звязанае з азеляненнем. Пры забудове жылога комплексу "Прэстыжына" недалёка ад яго дома выкарчавалі дрэвы, аднак на ўтворанай пустцы ўзамен нічога не пасадзілі.

"Давайце восенню разам з жыхарамі правядзём у вас суботнік. Мы прывязём дрэвы і дапаможам іх высадзіць", - прапанаваў старшыня Мінгарвыканкама.

65-гадовая жанчына з дома нумар 83 на пр. Пушкіна падзялілася праблемай, з якой не можа справіцца ўжо на працягу года. Так, сусед вышэйразмешчанай чатырохпакаёвай кватэры здае яе ў арэнду вялікай колькасці людзей. Жыхарка не раз звярталася па дапамогу ў розныя інстанцыі. "У кватэры могуць пражываць адначасова да васьмі чалавек. У мяне чуваць кожны крок, часта не магу заснуць да раніцы. Першых кватарантаў ужо дапамаглі выселіць, аднак сітуацыя паўтараецца - гаспадар зноў пускае шумных арандатараў. Міліцыя рэгулярна прыязджае, рэгіструе шумы - толькі з сакавіка было 9 такіх выклікаў. Я не ведаю, як жыць далей: на маіх руках стары чалавек пад 90 гадоў", - расказала яна.

Паводле слоў Уладзіміра Кухарава, такія сітуацыі часта ўзнікаюць у гараджан: "Пытанне зразумелае. Мы разбяромся, што там адбываецца. Гэтыя людзі павінны выконваць правілы. Будуць прыняты меры".-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі