10 снежня, Мінск /Кар. БЕЛТА/. Аранжавы ўзровень небяспекі аб'яўлены ў Беларусі 10 снежня з-за туману, паведамілі БЕЛТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
Сёння з 13.00 да 18.00 на большай частцы тэрыторыі краіны і Мінскай вобласці чакаюцца туманы, якія захаваюцца на працягу ночы і раніцай 11 снежня.
У Мінску туман захаваецца да канца дня і на працягу ночы 11 снежня.
Бачнасць у туманах - 100-500 м, удакладнілі ў Белгідрамеце.-0-