5 верасня, Гомель /Кар. БЕЛТА/. У Гомельскай вобласці грэчку ўбралі на 4,5 тыс. га, або 67 працэнтах плошчаў, паведаміў сёння на апаратнай нарадзе ў аблвыканкаме старшыня камітэта па сельскай гаспадарцы і харчаванні аблвыканкама Дзмітрый Петражыцкі, перадае карэспандэнт БЕЛТА.
"У вобласці прадаўжаецца ўборка грэчкі і проса. Грэчкі намалочана 4,9 тыс.т. Да канца тыдня культура павінна быць убрана", - падкрэсліў Дзмітрый Петражыцкі. Паводле яго інфармацыі, проса намалацілі 1,3 тыс. га з 43 працэнтаў плошчаў.
Гаворачы аб завершанай уборцы збожжавых і зернебабовых, старшыня камітэта адзначыў, што намалот перасягнуў 801 тыс. т пры сярэдняй ураджайнасці 23,5 ц/га.
У лік дзяржзаказу паставілі амаль 71 тыс. т, гэта каля 77 працэнтаў ад задання. "Выканаць дзяржзаказ - задача нумар адзін. 10 дзён - і дзяржзаказ павінен быць у поўным аб'ёме", - паставіў задачу адказным старшыня аблвыканкама Іван Крупко.-0-
