ДЗЯРЖОРГАНЫДЗЯРЖОРГАНЫ
Субота, 28 лістапада 2020
Мінск Суцэльная воблачнасць 0°C
Усе навіны
Усе навіны
Грамадства
28 кастрычніка 2020, 10:39

Адказнасць кіраўніка за даўгі перад ФСАН узмоцніць гарантыі ў сацзабеспячэнні - Мінпрацы

Фота з архіва
Фота з архіва

28 кастрычніка, Мінск /Кар. БЕЛТА/. У Беларусі адказнасць кіраўніка за дапушчэнне завінавачанасці па плацяжах у бюджэт Фонду сацыяльнай абароны насельніцтва прыраўнавана да адказнасці за нясвоечасовыя разлікі з бюджэтам, што ўмацуе гарантыі для грамадзян на сацыяльнае забеспячэнне. Аб гэтым БЕЛТА паведамілі ў Міністэрстве працы і сацыяльнай абароны.

"Меры матэрыяльнай адказнасці кіраўнікоў за нясвоечасовасць разлікаў з бюджэтам былі прадугледжаны ўказам Прэзідэнта ад 13 жніўня 1996 года нумар 292 "Аб прадастаўленні юрыдычным асобам адтэрміноўкі па выплаце завінавачанасці па падатках і пені". Прыняты 26 кастрычніка 2020 года ўказ нумар 381 "Аб забеспячэнні разлікаў з бюджэтамі" актуалізуе нормы ўказа нумар 292 і ўстанаўлівае больш справядлівы і зразумелы механізм прымянення мер матэрыяльнай адказнасці ў адносінах да кіраўнікоў, калі імі не забяспечаны разлікі з рэспубліканскім і (або) мясцовымі бюджэтамі, бюджэтам дзяржаўнага пазабюджэтнага фонду сацыяльнай абароны насельніцтва Рэспублікі Беларусь", - растлумачылі ў Мінпрацы.

Бюджэт фонду нараўне з рэспубліканскім і мясцовымі бюджэтамі выступае гарантам правоў грамадзян на сацыяльнае забеспячэнне. Новым указам якраз прадугледжваецца раўназначная адказнасць за дапушчэнне завінавачанасці (у т.л. пратэрмінаванай) і па плацяжах у бюджэт фонду.

У якасці мер матэрыяльнай адказнасці ўстанаўліваецца прапарцыянальнае налічэнне стымулюючых выплат (прэмій, бонусаў і ўзнагароджанняў) за вынікі работы. Прычым яны суадносяцца, па-першае, з колькасцю каляндарных дзён, у якіх адсутнічала завінавачанасць па плацяжах у рэспубліканскі і (або) мясцовыя бюджэты, бюджэт фонду; па-другое, з колькасцю месяцаў, у якіх адсутнічала пратэрмінаваная завінавачанасць па плацяжах у рэспубліканскі і (або) мясцовыя бюджэты, бюджэт фонду. Раней указам нумар 292 прадугледжвалася поўнае пазбаўленне ўсіх відаў прэмій незалежна ад перыяду іх налічэння і віду завінавачанасці.

Акрамя таго, меры матэрыяльнай адказнасці будуць прымяняцца толькі ў адносінах да кіраўніка арганізацыі (адасобленага падраздзялення) і ўсіх яго намеснікаў, а таксама галоўнага бухгалтара і яго намеснікаў. "Менавіта гэтыя катэгорыі кіраўнікоў нясуць адказнасць за вынікі фінансава-гаспадарчай дзейнасці і эфектыўнасць прымаемых імі рашэнняў, - падкрэслілі ў Мінпрацы. - Невыкананне імі патрабаванняў падпункта 1.1 указа нумар 381 з'яўляецца грубым парушэннем працоўных абавязкаў".

Разам з тым палажэнні новага ўказа не распаўсюджваюцца на кіраўнікоў і галоўных бухгалтараў (іх намеснікаў), якім прадастаўлена адтэрміноўка (растэрміноўка) пагашэння завінавачанасці па плацяжах у рэспубліканскі, мясцовыя бюджэты, бюджэт фонду (пры ўмове своечасовай выплаты бягучых плацяжоў) у адпаведнасці з рашэннямі: Прэзідэнта; абласных, Мінскага гарадскога, раённых, гарадскіх (гарадоў абласнога падпарадкавання) Саветаў дэпутатаў; мясцовых выканаўчых і распарадчых органаў.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі