12 кастрычніка, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў лётчыка-касманаўта Алега Навіцкага з 50-годдзем. Аб гэтым БЕЛТА паведамілі ў прэс-службе беларускага лідара.
Кіраўнік дзяржавы адзначыў, што сваё жыццё Алег Навіцкі прысвяціў пілатуемай касманаўтыцы і яго асабісты ўклад у вывучэнне і асваенне калязямной прасторы немагчыма пераацаніць.
"З'яўляючыся сапраўдным патрыётам, вы пастаянна падтрымліваеце сувязь з Радзімай, задаяце каштоўнасныя арыенціры для маладога пакалення, - гаворыцца ў віншаванні. - Сімвалічна, што юбілей вы адзначаеце на арбіце. Па добрай традыцыі ў космасе з вамі часцінка нашай краіны - Дзяржаўны сцяг Рэспублікі Беларусь".
Аляксандр Лукашэнка пажадаў Алегу Навіцкаму добрага здароўя, шчасця і новых дасягненняў.-0-