4 мая, Мінск /Кар. БЕЛТА/. Прэзідэнт Беларусі Аляксандр Лукашэнка сёння падпісаў указ нумар 176, якім устанаўліваецца забарона на рэгістрацыю жыллёвых аблігацый. Дакумент прыняты ў мэтах абароны інтарэсаў грамадзян, якія інвесціруюць сродкі ў жыллёвае будаўніцтва, паведамілі БЕЛТА ў прэс-службе беларускага лідара.
Прадугледжаны выключныя выпадкі, калі дапускаецца рэгістрацыя жыллёвых аблігацый - у рамках рэалізацыі інвестыцыйных дагавораў паміж інвестарамі і Рэспублікай Беларусь, якія заключаны да ўступлення ў сілу ўказа і прадугледжваюць магчымасць выкарыстання жыллёвых аблігацый.
Указ уступае ў сілу праз шэсць месяцаў пасля яго афіцыйнага апублікавання. Гэта дасць магчымасць забудоўшчыкам на працягу гэтага тэрміну ажыццяўляць пры неабходнасці эмісію жыллёвых аблігацый для завяршэння будаўніцтва жылых дамоў.-0-