Мабільная версія
ДЗЯРЖОРГАНЫ

Апошнія навіны
Усе навіны

Сустрэча прэзідэнтаў Беларусі і Кубы праходзіць у Палацы Незалежнасці

Прэзідэнт 23.10.2019 | 10:55
Аляксандр Лукашэнка і Мігель Марыа Дыяс-Канель Бермудэс
Аляксандр Лукашэнка і Мігель Марыа Дыяс-Канель Бермудэс

23 кастрычніка, Мінск /Кар. БЕЛТА/. Сустрэча Прэзідэнта Беларусі Аляксандра Лукашэнкі і Прэзідэнта Кубы Мігеля Марыа Дыяс-Канеля Бермудэса праходзіць у Палацы Незалежнасці, перадае карэспандэнт БЕЛТА.

Кіраўнікі дзяржаў правядуць перагаворы ў вузкім і пашыраным складах, у час якіх абмяркуюць актуальныя пытанні двухбаковага і міжнароднага парадку дня, вызначаць перспектыўныя напрамкі для далейшага супрацоўніцтва. Асаблівая ўвага будзе ўдзелена гандлёва-эканамічнай тэматыцы, у прыватнасці пытанням рэалізацыі сумесных праектаў у галіне прамысловасці, сельскай гаспадаркі, фармацэўтыкі, інфармацыйных тэхналогій. Запланавана падпісанне шэрага міжнародных дакументаў, якія даюць магчымасць пашырыць узаемадзеянне Беларусі і Кубы ў розных галінах.

Мігель Марыа Дыяс-Канель Бермудэс прыбыў напярэдадні ў Мінск з афіцыйным візітам. Гэта яго першы візіт у гэтай якасці. У маі 2016 года ён наведваў Беларусь у якасці першага намесніка старшыні Дзяржаўнага савета і Савета Міністраў Кубы.

Кіраўнік кубінскай дзяржавы ў дзень прыбыцця наведаў індустрыяльны парк "Вялікі камень", касцёл святых Сымона і Алены, сабор Святога Духа, Траецкае прадмесце, Востраў Мужнасці і Смутку.

Сёння пасля правядзення перагавораў на вышэйшым узроўні ён ускладзе вянок да стэлы "Мінск - горад-герой", наведае Беларускі дзяржаўны музей гісторыі Вялікай Айчыннай вайны, Акадэмію кіравання пры Прэзідэнце Беларусі, сустрэнецца з прадстаўнікамі кубінскай дыяспары.-0-

Версія для друку
Навіны рубрыкі Прэзідэнт
Топ-навіны
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Беларусь - Расія: гандлёва-эканамічнае супрацоўніцтва Расія - асноўны гандлёвы партнёр Беларусі. Аб'ём знешняга гандлю таварамі з Расіяй у 2018 годзе ў параўнанні з 1996-м павялічыўся амаль у 5,5 раза.