ДЗЯРЖОРГАНЫДЗЯРЖОРГАНЫ
Флаг Нядзеля, 25 верасня 2022
Мінск Ясна +12°C
Усе навіны
Усе навіны
Прэзідэнт
25 ліпеня 2022, 09:05

Рост гандлю, новыя праекты і ўзаемападтрымка. Лукашэнка правёў тэлефонную размову з Прэзідэнтам Узбекістана

Фота з архіва
Фота з архіва

25 ліпеня, Мінск /Кар. БЕЛТА/. Адбылася тэлефонная размова Прэзідэнта Беларусі Аляксандра Лукашэнкі з Прэзідэнтам Узбекістана Шаўкатам Мірзіёевым, паведамляе БЕЛТА.

Кіраўнік беларускай дзяржавы цёпла павіншаваў свайго калегу з днём нараджэння.

Таксама Аляксандр Лукашэнка і Шаўкат Мірзіёеў комплексна абмеркавалі ўзаемадзеянне Беларусі і Узбекістана - не толькі ў двухбаковым, але і шматбаковых фарматах.

Так, Беларусь разглядае Узбекістан як ключавога партнёра ў рэгіёне Цэнтральнай Азіі і гатова аказваць яму ўсямерную падтрымку ў ЕАЭС, забяспечваючы поўнафарматнае ўключэнне эканомікі краіны ў кааперацыю з Еўразійскім эканамічным саюзам. Ішла ў размове гаворка і аб падтрымцы Узбекістанам беларускай заяўкі на членства ў Шанхайскай арганізацыі супрацоўніцтва.

Закранаючы двухбаковае эканамічнае ўзаемадзеянне, прэзідэнты перш за ўсё адзначылі рост тавараабароту. У студзені - маі бягучага года захоўваецца яго дадатная дынаміка ($147,4 млн, або 130,7 працэнта да ўзроўню аналагічнага перыяду 2021 года).

Перспектыў развіцця супрацоўніцтва, як было адзначана, больш чым дастаткова - гэта і нарошчванне ўзаемных паставак запатрабаванай на рынках дзвюх краін прадукцыі, і пашырэнне кааперацыі, стварэнне новых сумесных вытворчасцей. Абмеркаваць усе канкрэтныя напрамкі паглыблення ўзаемадзеяння кіраўнікі дзяржаў дамовіліся ў верасні ў час сустрэчы ў Самаркандзе на саміце Шанхайскай арганізацыі супрацоўніцтва.

Яшчэ адной тэмай размовы прэзідэнтаў стала сітуацыя ў Каракалпакстане, кіраўнікі дзяржаў абмяняліся думкамі адносна падзей, якія там адбыліся.

Ну а галоўным чынам размова прэзідэнтаў Беларусі і Узбекістана датычылася перспектыў развіцця адносін паміж дзвюма краінамі.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі