15 ліпеня, Мінск /Кар. БЕЛТА/. Кіраўнік дзяржавы Аляксандр Лукашэнка сёння падпісаў распараджэнне, якім зацверджана рашэнне савета спецыяльнага фонду Прэзідэнта Беларусі па сацыяльнай падтрымцы адораных навучэнцаў і студэнтаў. Аб гэтым БЕЛТА паведамілі ў прэс-службе беларускага лідара.
У адпаведнасці з гэтым рашэннем 1013 чалавек, якія дасягнулі высокіх вынікаў у вучобе і навуковай дзейнасці, заахвочваюцца грашовымі прэміямі на суму амаль Br160 тыс.
У прыватнасці, грашовымі заахвочваннямі з уручэннем нагруднага знака лаўрэата фонду адзначаны 9 пераможцаў міжнародных навуковых турніраў (траім з іх аказана матэрыяльная дапамога), прэміраваны 1001 пераможца рэспубліканскіх прадметных алімпіяд і конкурсаў.
Прыняцце распараджэння Прэзідэнта Беларусі накіравана на забеспячэнне адраснай дзяржаўнай падтрымкі адораных навучэнцаў, стварэнне спрыяльных умоў для далейшага развіцця іх здольнасцей, паспяховай вучобы і навуковай дзейнасці.-0-
