ДЗЯРЖОРГАНЫДЗЯРЖОРГАНЫ
Аўторак, 13 красавіка 2021
Мінск Пераменная воблачнасць +16°C
Усе навіны
Усе навіны
Прэзідэнт
26 лютага 2021, 20:28

Першымі ўладальнікамі ордэна Працоўнай Славы сталі рабочы БЕЛАЗа і гендырэктар птушкафабрыкі "Дружба"

Фота з архіва
Фота з архіва

26 лютага, Мінск /Кар. БЕЛТА/. Дзяржаўных узнагарод і ганаровых званняў удастоены 68 прадстаўнікоў розных сфер дзейнасці. Адпаведны ўказ падпісаў Прэзідэнт Беларусі Аляксандр Лукашэнка, паведамілі БЕЛТА ў прэс-службе кіраўніка дзяржавы.

Яны ўзнагароджаны ордэнамі, медалямі, адзначаны ганаровымі званнямі за шматгадовую плённую працу, высокі прафесіяналізм, узорнае выкананне службовых абавязкаў, значны асабісты ўклад ва ўмацаванне абараназдольнасці краіны, развіццё прамысловага комплексу, сельскагаспадарчай галіны і машынабудавання, дасягненне высокіх вытворчых паказчыкаў, заслугі ў арганізацыі і аказанні медыцынскай дапамогі насельніцтву, навучанні і выхаванні падрастаючага пакалення.

Ордэна Працоўнай Славы ўдастоены генеральны дырэктар ААТ "Птушкафабрыка "Дружба" Васіль Маркевіч і наладчык станкоў і маніпулятараў з праграмным кіраваннем ААТ "БЕЛАЗ - кіруючая кампанія холдынга "БЕЛАЗ-Холдынг" Сяргей Лютаў.

Ордэнам Пашаны адзначаны заслугі семярых прадстаўнікоў розных галін, у тым ліку - дырэктара ААТ "Кастрычнік" Пятра Лаўнікава, галоўнага ўрача Віцебскага абласнога клінічнага радзільнага дома Алены Леановіч, дырэктара ЗАТ "Сервалюкс Агра" Васіля Мазурыка.

Медалямі ўзнагароджаны і ваеннаслужачыя Узброеных Сіл: старшына зенітнага ракетнага дывізіёна 740-га зенітнага палка ВПС і войскаў ППА Максім Шышла - "За выратаванае жыццё", камандзір батальёна радыяцыйнай, хімічнай і біялагічнай абароны 8-й брыгады РХБ абароны Сяргей Гаршкоў і камандзір кадра роты гэтай брыгады Андрэй Пяшчур - "За адзнаку ў воінскай службе".

Вялікая група работнікаў прадпрыемстваў і арганізацый удастоена медаля "За працоўныя заслугі". Сярод іх - дырэктар апрацоўчай фабрыкі Аршанскага льнокамбіната Юрый Арлоўскі, загадчык рэдакцыйна-выдавецкага аддзела Ваеннай акадэміі Сяргей Іванісаў, трактарыст-машыніст агракамбіната "Зара" Аляксей Макосаў, генеральны дырэктар "Гомсельмаша" Аляксандр Новікаў, гендырэктар Кіруючай кампаніі холдынга "Гарызонт" Юрый Прэдка, дырэктар СЗАТ "БЕЛДЖЫ" Генадзь Свідзерскі.

Указам таксама прысвоены ганаровыя званні Рэспублікі Беларусь. Заслужанымі работнікамі прамысловасці сталі тэхнічны дырэктар - намеснік генеральнага дырэктара па развіцці - кіраўнік навукова-тэхнічнага цэнтра Кіруючай кампаніі холдынга "Мінскі маторны завод" Ігар Анушкевіч, дырэктар канструктарскага бюро "Дысплэй" Аляксандр Вайцянкоў і генеральны дырэктар Мінскага трактарнага завода Віталь Воўк.

Ганаровае званне заслужанага работніка сельскай гаспадаркі прысвоена кіраўніку фермерскай гаспадаркі "Новы быт" Аляксандру Канавалаву, аператару машыннага даення прадпрыемства "Рассвет імя К.П.Арлоўскага" Валянціне Клімовіч, галоўнаму заатэхніку бялыніцкага СВК "Калгас "Радзіма" Валянціне Лапацентавай і трактарысту-машыністу агракамбіната "Зара" Сяргею Раманенку.

Начальнік войскаў РХБ абароны - начальнік упраўлення РХБ абароны і экалогіі Генеральнага штаба Вячаслаў Старкоў удастоены ганаровага звання "Заслужаны спецыяліст Узброеных Сіл Рэспублікі Беларусь".-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі