14 верасня, Сочы /Кар. БЕЛТА/. Перагаворы прэзідэнтаў Беларусі і Расіі Аляксандра Лукашэнкі і Уладзіміра Пуціна ў Сочы завяршыліся, паведамляе БЕЛТА.
Сустрэча доўжылася больш як 4 гадзіны. Кіраўнікі дзяржаў абмеркавалі шырокі спектр пытанняў двухбаковых адносін, сітуацыю ў рэгіёне, сумеснае рэагаванне на выклікі, якія ўзнікаюць.
У сваіх заявах у пачатку перагавораў лідары краін пацвердзілі стратэгічны саюзніцкі характар адносін Беларусі і Расіі, нацэленасць на актывізацыю гандлёва-эканамічнага супрацоўніцтва, прыхільнасць ранейшым дамоўленасцям, уключаючы ўзаемадзеянне ў абароннай сферы. Размова таксама ішла аб поствыбарнай сітуацыі ў Беларусі і абстаноўцы на гэтым фоне як унутры краіны, так і за яе межамі.-0-
