25 лістапада, Мінск /Кар. БЕЛТА/. Прэзідэнт Беларусі Аляксандр Лукашэнка расказаў аб новым плане збеглых па дэстабілізацыі абстаноўкі ў краіне перад рэферэндумам. Аб гэтым ён заявіў сёння на сумесным пасяджэнні Канстытуцыйнай камісіі і рабочай групы па дапрацоўцы праекта Канстытуцыі, перадае карэспандэнт БЕЛТА.
"Павінен вас папярэдзіць, што тыя, хто больш за ўсё крычаў аб пераменах і аб тым, што трэба ледзь ці не зняць гэтага Прэзідэнта, зламаць, забіць і іншае, сёння закрычалі: а гэта не трэба, нам не патрэбна новая Канстытуцыя", - сказаў беларускі лідар.
Прэзідэнт расказаў: яму вядома аб плане, які выпрацавалі збеглыя праціўнікі дзеючай улады, і паабяцаў абвясціць сутнасць гэтага плана. "Каб вы ўсе бачылі, чаго яны хочуць. Гэта пасмешышча поўнае. Гэты план збеглых там, за мяжой, для таго, каб атрымаць фінансаванне, інакш не скажаш, проста смешны. Я, чалавек, які шмат пабачыў ужо, чытаю і думаю: няўжо зноў Захад адурэе і дасць пад гэта грошы", - сказаў кіраўнік дзяржавы.
"Яны ўжо рыхтуюцца зламаць Канстытуцыю і калі ў іх план рэалізуецца, зноў вывесці на вуліцу народ Беларусі", - расказаў Прэзідэнт, адзначыўшы, што ў гэтым выпадку, відаць, нічому гісторыя іх не вучыць.-0-
