19 кастрычніка, Мінск /Кар. БЕЛТА/. Падзяка Прэзідэнта Беларусі аб'яўлена работнікам Гарадской клінічнай бальніцы хуткай медыцынскай дапамогі горада Мінска. Адпаведнае распараджэнне кіраўнік дзяржавы Аляксандр Лукашэнка падпісаў 19 кастрычніка, паведамілі БЕЛТА ў прэс-службе беларускага лідара.
За шматгадовую плённую працу, узорнае выкананне службовых абавязкаў, значны асабісты ўклад у аказанне медыцынскай дапамогі насельніцтву Падзякі Прэзідэнта ўдастоены ўрач - анестэзіёлаг-рэаніматолаг, загадчык аддзялення анестэзіялогіі і рэанімацыі (апёкавых хворых з палатамі інтэнсіўнай тэрапіі) Ларыса Залатухіна і аперацыйная медыцынская сястра аперацыйнага аддзялення Валянціна Казарэзава.-0-