1 жніўня, Мінск /Кар. БЕЛТА/. Кіраўнік беларускай дзяржавы Аляксандр Лукашэнка назначыў Максіма Ермаловіча на пасаду намесніка кіраўніка Адміністрацыі Прэзідэнта Беларусі, перадае карэспандэнт БЕЛТА.
Раней гэту пасаду займаў Дзмітрый Крутой, якія цяпер узначаліць пасольства Беларусі ў Расійскай Федэрацыі.
Максім Ермаловіч да гэтага часу працаваў на пасадзе пасла Беларусі ў Вялікабрытаніі і па сумяшчальніцтве ў Ірландыі, а таксама на пасадзе пастаяннага прадстаўніка пры Міжнароднай марской арганізацыі. Да дыпламатычнай кар'еры ён шмат гадоў працаваў у сістэме Міністэрства фінансаў, у тым ліку на працягу двух гадоў узначальваў гэта ведамства.
Кіраўнік дзяржавы адзначыў, што Максім Ермаловіч з прычыны свайго прафесійнага вопыту добра ведае работу ўрада і Адміністрацыі Прэзідэнта.
"Вопытны, дасведчаны, сучасны чалавек. І які панюхаў, што такое Захад. Я гэта добра ведаю (магчыма, і ён таго не ведае, што я ведаю), але чалавек нармальны, прафесійны, прабеларускі. Перакананы і які разумее, што трэба рабіць у Беларусі, убачыўшы адну з перадавых краін свету - і тое, што там дрэнна, і тое, што добра ў Вялікабрытаніі. Зразумела, шмат добрага, асабліва з пункту гледжання эканомікі. Палітыка нам англійская абсалютна не патрэбна. Мы не збіраемся яе капіраваць. Гэта, напэўна, ён таксама добра зразумеў. А вось эканоміка, фінансавая сфера - гэта вельмі важна", - падкрэсліў Аляксандр Лукашэнка.
Як паведамлялася БЕЛТА 29 ліпеня са спасылкай на прэс-сакратара МЗС Анатоля Глаза, у сувязі з шэрагам недружалюбных крокаў Вялікабрытаніі, сістэмна нацэленых на нанясенне максімальнай шкоды беларускім грамадзянам і юрыдычным асобам, прынята рашэнне аб паніжэнні ўзроўню дыпламатычнага прадстаўніцтва Беларусі ў Лондане да часовага паверанага ў справах. У міністэрстве падкрэслілі, што адкліканне Надзвычайнага і Паўнамоцнага Пасла Беларусі не азначае, што закрываюцца каналы камунікацыі з Лонданам.-0-
