ДЗЯРЖОРГАНЫДЗЯРЖОРГАНЫ
Флаг Серада, 18 мая 2022
Мінск Малавоблачна +7°C
Усе навіны
Усе навіны
Прэзідэнт
20 снежня 2021, 11:21

Лукашэнку прадстаўлены прапановы па пераглядзе структуры і колькасці МЗС і загранустаноў

20 снежня, Мінск /Кар. БЕЛТА/. Прэзідэнту Беларусі Аляксандру Лукашэнку прадстаўлены прапановы па пераглядзе структуры і колькасці МЗС і загранустаноў. Адпаведныя пытанні абмеркаваны сёння на дакладзе кіраўніку дзяржавы міністра замежных спраў Беларусі Уладзіміра Макея. У мерапрыемстве таксама прынялі ўдзел прэм'ер-міністр Раман Галоўчанка і кіраўнік Адміністрацыі Прэзідэнта Ігар Сергяенка, перадае карэспандэнт БЕЛТА.

"Вы прадставілі мне тыдзень таму свае прапановы. Я ўважліва іх вывучыў. У прынцыпе, работа праведзена сур'ёзная. Але хацеў бы вас проста папярэдзіць аб недапушчальнасці нейкай "тынкоўкі" знешнепалітычнага ведамства і той сітуацыі, якая складваецца на знешнім контуры нашых граніц. Я прэм'ер-міністру ўжо аб гэтым гаварыў", - сказаў Прэзідэнт.

Аляксандр Лукашэнка падкрэсліў, што трэба, калі ўзяліся за гэта пытанне, МЗС прывесці ў належны выгляд у адпаведнасці з тымі задачамі, якія трэба будзе вырашаць.

У цэлым кіраўнік дзяржавы адзначыў, што адпаведнае пытанне планавае і нават крыху застарэлае. "Месяцы ўжо два-тры прайшло пасля таго, як дамовіліся з вамі паглядзець на структуру, штатную колькасць Міністэрства замежных спраў. Гэта звязана з той знешнепалітычнай абстаноўкай, у якой знаходзіцца сёння Беларусь, - сказаў Прэзідэнт. - Усе мы бачым і разумеем, што адбываецца. Асабліва на заходнім вектары нашай знешнеэканамічнай перш за ўсё, знешнепалітычнай дзейнасці. Адсюль мяняюцца і наш усходні і паўднёвы вектары. Таму была ўмова і маё даручэнне ўраду і МЗС перагледзець структуру і колькасць знешнепалітычнага ведамства, замежных прадстаўніцтваў на гэтых вектарах нашай знешнеэканамічнай дзейнасці".

Як адзначыў Уладзімір Макей, у мэтах выканання даручэнняў Прэзідэнта для ўзмацнення работы ў краінах СНД і на далёкай дузе, інтэнсіфікацыі знешнеэканамічнай і інфармацыйнай дзейнасці МЗС сумесна з Адміністрацыяй Прэзідэнта і ўрадам падрыхтаваны комплексны план па рэфармаванні сістэмы. У ходзе работы ў тым ліку вывучаліся прапановы і бачанне сітуацыі ў загранустановах краіны.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі