ДЗЯРЖОРГАНЫДЗЯРЖОРГАНЫ
Флаг Панядзелак, 8 жніўня 2022
Мінск Суцэльная воблачнасць +20°C
Усе навіны
Усе навіны
Прэзідэнт
07 ліпеня 2022, 12:13

Лукашэнка: захоўваючы суверэнітэт, трэба зрабіць максімум па яднанні з Расіяй

Фота з архіва
Фота з архіва

7 ліпеня, Мінск /Кар. БЕЛТА/. Захоўваючы суверэнітэт, трэба зрабіць максімум па яднанні з Расіяй. Аб гэтым Прэзідэнт Беларусі Аляксандр Лукашэнка заявіў на сустрэчы са старшынёй Палаты прадстаўнікоў Нацыянальнага сходу Беларусі Уладзімірам Андрэйчанкам, перадае карэспандэнт БЕЛТА.

"Цяпер мы вельмі актывізаваліся па рабоце на расійскім напрамку. Суверэнітэт, незалежнасць - гэта святое. Інтарэсы беларускага народа. Але трэба разумець, што ў Расіі глабальныя інтарэсы. У іх таксама адпаведныя погляды на развіццё Беларусі. І гэта правільна. Сёння ўжо ўсе зразумелі, што такое Беларусь для Расіі і Расія для Беларусі. У гэтым плане нам таксама давядзецца актывізавацца. Захоўваючы суверэнітэт, незалежнасць, мы павінны зрабіць максімум па кааперацыі ў эканоміцы, па нашым адзінстве, яднанні. Усё зрабіць для таго, каб ніхто не мог кінуць камень у нас, што мы не вырашылі нейкія пытанні ва ўзаемаадносінах з Расіяй", - падкрэсліў кіраўнік дзяржавы.

Аляксандр Лукашэнка адзначыў, што адпаведныя напрамкі па развіцці супрацоўніцтва з Расіяй абазначаны ў саюзных праграмах. "Усё гэта трэба ўвасабляць у законы. І, яшчэ раз падкрэсліваю, бачачы нашу дзяржаву ў перспектыве як суверэнную і незалежную, - сказаў ён. - Мы дастаткова разумныя, як я гаварыў, для таго, каб з расіянамі выбудаваць нармальныя адносіны".

Як расказаў журналістам пасля сустрэчы з кіраўніком дзяржавы старшыня Палаты прадстаўнікоў Уладзімір Андрэйчанка, у мэтах кантролю за рэалізацыяй 28 саюзных праграм у Парламенцкім сходзе Саюзнай дзяржавы павялічана да 12 колькасць профільных камісій, для кожнай з іх падрабязна распісана сфера адказнасці па вызначаных напрамках дзейнасці - хто за якую праграму адказвае. "Шэраг дакументаў наконт гэтага мы ўжо ратыфікавалі ў парламенце - па мытных справах, бухгалтарскім уліку. Прыкладна 38 працэнтаў мерапрыемстваў з 28 праграм ужо рэалізавана", - адзначыў старшыня Палаты прадстаўнікоў.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі